Celebrity Love Relationship

千萬別以為生BB可以綁住男人心,結果只會綁死你自己~《BB來了》揭露新手父母血淚史!

20/07/2018

近期熱播劇集《BB來了》入面,李佳芯所飾演嘅老婆角色,本來唔想生BB,但就意外有咗!現實生活中,反而有唔少女人為咗要綁住個男人而生BB,但咁樣真係有用嗎?養一個小朋友係要得到雙方共識,係一樣同共責任,如果個男人根本唔想有BB,結果你綁死嘅唔係對方嘅心,而會係你自己嘅一生呀!

《BB來了》@TVB

《BB來了》@TVB

1. 不是每個男人都會照顧BB

唔好講男人,就算女人都唔係個個鐘意,何況湊BB唔係一件輕鬆事。就算佢想湊,都唔代表佢湊得店。

《BB來了》@TVB

《BB來了》@TVB

每日都要餵奶,換尿片,如果對方唔幫你分擔,最後你就要將責任全部揹起,而佢就只係負責去望下個B、玩下個B。結果就會出現更多紛爭,換來相反嘅效果~

《BB來了》@TVB

《BB來了》@TVB

2. 婆媳糾紛

如果你以為生BB只係你同另一半嘅事,咁就大錯特錯啦?因為奶奶係一定會插手嘅,佢地會咩事都比意見,就連BB著咩衫、餵幾多奶都會加把嘴。仲可能會用各種理由登堂入室,最後你同另一半私人空間只會愈來愈少!

《BB來了》@TVB

《BB來了》@TVB

《BB來了》@TVB

《BB來了》@TVB

3. 無私人時間

成日睇人湊BB以會好易?湊一個BB你係要全天候廿四個鐘隨時候命,要睇實佢,要一聽到佢喊就即刻埋去睇,唔好話出去玩呀,去旅行呀,你可能連專心食個飯,去個廁所都唔得~你問下自己,到底接唔接受到你嘅世界只有BB?

《BB來了》@TVB

《BB來了》@TVB

4. 事業受阻 更別談理想

即使你成功用BB綁住男人嘅心,但你嘅事業呢?你係唔係心甘情願放低事業,放下理想,以家庭同囝囡為重?如果你自問唔係,咁就千其唔好生,咁樣只會害咗個小朋友,養寵物都要對寵物負全責,何況呢個係一個人,佢會喺世上活好多年,你到底有無養育佢嘅決心?

《BB來了》@TVB

《BB來了》@TVB

5. 不愛你的男人 留也留不住

一個人係唔愛你,你做咩都無用。男人一旦失去愛情,就會變得無情,佢肯留低都只係基於責任感同埋親情,但係佢留得一時又留唔留到一世呢?變心嘅人,你留都唔留唔住。

《BB來了》@TVB

《BB來了》@TVB

Text: POP-OL Editorial
Photo Source: Pinterest, TVB