Celebrity

「討厭我是你的自由,做自己是我的權利」5個女明星說過的霸氣語錄!

27/07/2018

女明星給人印象都係靠外表吃飯冇內涵,但其實有啲女明星雖然外表柔弱,但內心卻十分強大!以下呢5位女星嘅霸氣語錄絕對會令你佩服佢地!

#1 IU李知恩

被稱為「國民妹妹」嘅IU憑唱歌同創作實力紅遍亞洲,早前更進軍影視圈又拍電影又拍電視劇,人氣水高船漲時討厭佢嘅人亦大幅增加,面對大量負面評論IU依然堅持做自己,懶理閒言閒語。

討厭我是你的自由,做自己是我的權利

#2 楊冪

楊冪自出道以來密密做唔停手,拍劇時更唔錫身上天下海,由演技被人批評、惡評如潮到如今成為「收視女王」同「帶貨女王」,佢喺背後付出嘅努力絕對比平常人多。

有本事就殺了我,殺不死,就等著看我變得更強大吧。

#3 Emma Watson

Emma Watson係女性代表當之無愧,佢關注婦女權益亦推祟女權,認為女人應要靠自己活出精彩,這引來大量女權反對者對佢嘅惡意攻擊同批評甚至恐嚇,不過Emma從未因此後退,非常勇敢!

一個女孩最悲哀的事,就是為了男人而看輕自己

#4 張鈞甯

張鈞甯近來喺內地發展順利,不過佢將自己嘅私生活管理得好好,從不傳緋聞埋頭事業,勇於挑戰各種極限運動,真正獨立又有勇氣。

即使一遍遍的失敗、一遍遍的挨罵,但是哪怕一百次中有一次成功,就能夠來抵那九十九次的丟臉。

#5 林依晨

林依晨出道多年零緋聞,出道早期曾下垂體腫瘤但仍一直抗病,又熱心幫助有需要的人和動物,總是散發滿滿的正能量,令人十分喜愛。

每個階段該做想做的事都要多做,欣然迎戰每次人生中意外的轉彎,或許遺憾難免,但可不要是自己造成的。

Text:POP-OL Editorial

Photo source:Pinterest