Beauty Love

少奶奶們都有這些面相,而你仍是單身狗?7大相學逐一跟你分析,誓要追回自出世便失去的桃花!

31/07/2018

已經有一段時間無拍拖?做「單身狗」好慘情?有無諗過可能喺關面相事?就算貌美如花,相學上都唔一定可以溝死仔架。而家跟你逐一分析7大相學,想增強愛情運就好好了解自己五官,一啲簡易嘅妝容小技巧都可以改變臉容觀感,望落去順眼咗,話唔定可以換來超強桃花運!

IG @ natalietong53

1. 額頭又圓又凸

額頭又圓又突代表有獨立思想,會係一個事業心強嘅女性,因為擇偶條件唔低,令追求者見到你都覺得難以高攀,嚇走唔少男人。

ig @ yangmi_

 

2.「鼻」忌

相學中女生鼻為丈夫星,如果鼻型生得靚,就會嫁到個好老公。女生鼻大樑高,代表事業心重,唔會嬌爹溫柔,試問邊個男生想同個老虎乸拍拖?另外, 鼻樑有節代表性格比較倔強、執著。女生首先要檢查一下鼻上有無墨或痣,如果有嘅話就要盡快脫走佢,先可以招來好桃花。

ig @ michele_monique_reis

ig @ cathy_chui_official

 

3. 太陽穴

如果太陽穴位置有墨、痣、斑點,就代表有感情煩惱,所以同樣要盡快脫走。小秘訣係可以試下用淡粉紅色嘅化妝品,例如粉系胭脂,加強氣色,臉色紅潤都有助提升戀愛運。

ig @ kungkaty

 

4. 眉毛散亂

眉毛亂、代表心亂,反映你嘅心理狀態長期唔穩定,做事成日都左顧右盼,好多顧慮,令你成世人錯過幾段好姻緣。女士要定期修眉是常識吧,眉太多雜毛望落去污污糟糟咁,個妝化得幾精緻都因為醜醜嘅眉毛搶去風頭啦~

IG @ lilyjcollins

 

5. 美人生鬚

上唇一片汗毛,反映你思想男性化,唔夠溫柔,難以有男人比你吸引。美人生鬚咁尷尬嘅情況就唔好喺自己身上出現喇,女士可以考慮永久性脫走唇毛、或者做蜜蠟脫毛,塊面就可以乾乾淨咁見人啦~

 

6. 牙齒

如果門牙唔整齊,或者有破損,都代表感情唔如意,好難搵到一個好伴侶終老。有哨牙嘅女士,代表你大機會跟伴侶有言語上嘅磨擦,成日都意見矛盾,長久落去感情難以持久。擁有整齊嘅門牙,就要做好日常保養,少飲咖啡、茶,可以避免牙齒染成黃黃啡啡,笑容先會喺最靚~

ig @ kungkaty

 

7.下巴過尖

下巴尖代表怨氣大,成日抱怨,對另一半會有好多挑剔。打算要整容變成「v剎臉」的話,再認真考慮一下吧~包包臉、微肥臉,喺相學上總對喺個福氣樣啊~

ig @ missjni

ig @ bingbing_fa

 

Text: POP-OL Editorial

Photo Source: Pinterest, Instagram