Beauty Execise Fitness

一個月腰圍減10cm!日本瘋傳「貓式伸懶腰減肥法」,真人實證,效果驚人~

01/08/2018

日本節目「スター☆ドラフト会議」當中,介紹咗一個以瑜伽為基礎嘅「貓式伸懶腰」動作,每日瞓前做十次,做一個月腰圍就可以減10cm、體重仲會輕4kg,唔需要刻意節食就會有咁驚人嘅效果!又懶又想瘦嘅你,仲唔快啲學!?

Pinterest

Pinterest

節目入面,中國氣功師丁治紅介紹咗「貓式伸懶腰減肥法」,呢個動作源自於瑜珈入面嘅「貓式」,「貓式」透過伸懶腰放鬆容易繃緊嘅膊頭、背部,同埋骨盆,同時會刺激分泌荷爾蒙嘅腎上腺,達到消耗更多卡路里嘅效果。

Pinterest

Pinterest

喺我地伸懶腰嘅時候,會無意識地進行腹式同埋胸式呼吸呢兩種呼吸法,可以刺激內臟活動,亦可以提升呼吸機能,促進身體基礎代謝~

《スター☆ドラフト会議》

《スター☆ドラフト会議》

其實最簡單嘅伸懶腰動作,就已經可以促進脂肪燃燒,因為伸懶腰嘅時候會刺激到背部嘅肌肉,特別係脊柱起立筋(豎脊肌),透過呢個簡單鍛練就會較容易燃燒脂肪。

Pinterest

Pinterest

伸懶腰仲可以令全身肌肉變得柔軟同有彈性,特別係對於針對腹部肌肉嘅鍛鍊同埋腰部曲線嘅雕塑,都會有極大幫助!節目當中,請嚟藝人岡本麻里親身試驗,佢堅持做咗呢個動作一個月,腰圍就由68cm減到58cm,足足減走10cm,效果好驚人~

《スター☆ドラフト会議》

《スター☆ドラフト会議》

整個「貓式伸懶腰減肥法」總共有3個步驟,第一步係好似貓一樣四肢著地,兩腳分開大約2個拳頭嘅距離,注意手臂要同地面成直角。

Pinterest

Pinterest

第二步,一邊吸氣一邊慢慢拱腹,然後停止呼吸9秒。吸氣嘅時候動作要保持住視線朝下,腹部凹陷、背部拱起,就好似貓驚恐時候嘅姿勢一樣~

Pinterest

Pinterest

第三步就係呼氣~呼氣嘅時候雙手要緩緩向前滑動伸展,胸部往地面貼近,同時發出「喵喵~」嘅叫聲,維持呢個姿勢9秒。

Pinterest

Pinterest

第一步同埋第二步合埋一齊,為之一組動作,每晚重複每組動作10次。岡本麻里維持咗一個月喺無飲食限制嘅情況下,每晚瞓教前做10次,除咗腰圍減咗10cm外,體重都減輕咗4kg~

Text:POP-OL Editorial

Photo Source: