BodyCare Diet Life

下身似「肉鬆」? OL 5個咎由自取的壞習慣令你現橙皮紋、下身鬆弛~立即戒走陋習拒絕做啤梨妹!

03/08/2018

香港地,好多女士都係屬於上身瘦、下身肥胖嘅身型—塌臀粗腿,怪就怪自己久坐又懶做運動,令到下身發福~夏天想話著短裙、短褲,最後都係要死死地氣著闊腳褲企圖製造好啲嘅視覺效果。由今日起,避開生活上以下呢5個壞習慣,從生活上作出改善,找回失去已久嘅美腿同小蠻腰吧~

1. 長期坐係公司 久坐不起

好多時候開緊嘢,趕緊deadline,想話去個廁所都急到忍無可忍先衝去解決~其實屁股長期貼住張櫈,血液運行唔好,身體排走廢物嘅速度慢咗,日子耐咗,身體囤積嘅脂肪同水分會形成一條條橙皮紋,到時想救都難~所以,女士們唔好再挑戰自己嘅忍耐力,每一小時就要起身行下~

 

2. 翹腳坐令你百病纏身

好多女士一坐低好自然就會翹腳,或者縮埋一舊,主要原因係咁樣會特別有安全感。其實翹腳坐壞處多多:令雙腳變粗、屁股因為盆骨外擴變大……加上翹腳有礙血液循環之外,仲會令被壓住嘅腳長期承受另一隻腳嘅壓力,一日下來會覺得腰酸背痛,長期咁坐仲會改變脊椎及腰椎的角度,有機會造成椎間盤突出,到時分分鐘唔止啤梨身型係變長短腳!

 

3.  食晏都要懶

為咗避開人多嘅Lunch Hour,又或者怕曬怕落雨想留係喺公司涼冷氣,寧願留喺公司煲劇,所以晏嗌外賣是常識吧~come on~難得有個Lunch Break畀你鬆一鬆,就唔好黐住喺位到啦~食飽飯慢慢行吓,血液循環好啲,就唔會成日嗌周身酸痛啦!

 

4. 愛靚唔愛命

女士番工都會著短裙短褲,其實office 冷氣大,如果身體吸收太多寒氣,就會令血液循環變差,血氣運行得唔好,人都無咁精神。準備一條大圍巾吧~覺得凍就蓋住雙腳就無咁易日手凍腳凍~

 

5. 零食食唔停
番工咁悶,準備定啲零食提下神是常識吧以為食少少曲奇、薯片無咩所謂?一旦開咗胃口,一個唔覺意就食唔停口~卡路里分分鐘比你嘅lunch仲高!為食怕口痕嘅你,可以揀水果當零食,又或者一啲高纖又養生嘅零食比如椰棗、龍眼、杞子等,沖一杯暖胃熱飲都可以增加飽腹感,就唔會食極都唔覺滯啦~

Text:POP-OL Editorial

Photo Source:Pinterest