Celebrity

項少龍愛護的小倩公主~17年後仍有少女味!43歲雪兒更添知性美 皮膚仍吹彈可破!

16/08/2018

「別高與~別以為叫始祖~」《尋秦記》嘅粉絲一定記得呢首歌啦~《尋秦記》一直好受歡迎,當中古天樂飾演嘅項少龍同鄭雪兒飾演嘅趙國公主小倩真係睇到觀眾勁肉緊。當年只有27歲嘅趙國公主,每次回眸一笑真係甜到令人心都溶!17年過去,如今雪兒已經嫁人並淡出娛樂圈,不時喺Instagram上分享日常生活嘅雪兒,認真保養有道,淡妝下仍然好有氣質好精神呢!

michelle_saram @ ig

2001年TVB 嘅《尋秦記》,一直都畀網民封做「神劇」。古天樂演項少龍做得入形入格、對白又夠抵死,同5個女角色互有情愫嘅戲份,實在好令人口味。當中趙國公主小倩就係最令人難忘女角之一。

@sina

@sina

 

小倩性格溫馴可愛、無機心,但又有勇敢地維護自己愛嘅男人。男人見到會想保護佢;女人見到都會羨慕佢有惹人憐憫嘅外表~

@sina

@sina

 

雪兒本身係一名中印混血兒,係新加坡做演員。輪廓深、笑容甜美、皮膚細緻,完全係女神嘅表表者。只可以話,歲月對佢真係好溫柔~雪兒嘅近照,睇到佢肌膚仍然係吹彈可破嘅狀態,完全唔覺已經年過40,拍埋去人妻謝安琪隔離,都無被比下去,美魔女果然厲害~

michelle_saram @ ig

 

雪兒都係識享受之人,但飲食堅持以清淡為主。係草地上嘆自製杏仁奶,勁有生活態度,可見雪兒保養如少女,心態依舊年輕。

michelle_saram @ ig

michelle_saram @ ig

michelle_saram @ ig

 

雪兒透過上瑜珈班,配合音樂嘅自然能量療法保持身心健康。

michelle_saram @ ig

 

做運動就係最好嘅凍齡方法,可以促進新陳代謝,增強肌肉量。

michelle_saram @ ig

michelle_saram @ ig

 

近年雪兒開始重投娛樂工作,佢曾解釋因為仔女大個咗,所以都多咗時間做自己嘢。所以舊年tvb開拍《飛虎之潛行極戰》就搵咗雪兒復出,小試牛刀做情報組主管嘅角色。今年套劇一出街,網民齊齊大讚佢keep得靚。

@ tvb

@ tvb

 

古天樂宜家做咗電影公司老闆,已經向大家落實會開拍尋秦記電影版。雪兒就話,古裝劇劇本好難背,只要比多啲時間佢準備都會有興趣接拍,唔知古天樂會唔會搵番雪兒再續頂少龍同公主嘅未了情呢?

@ sina

Text: POP-OL Editorial

Photo Source: Pinterest, sina, TVB