Beauty

索爆網紅上載屁屁濕了一片「瀨尿照」 嘩眾取寵? 失禁背後是跟死神刷身而過的故事

20/08/2018

網絡發達嘅年代,好多人發咗用名氣賺錢,都會搞搞新意思,話知行為係出醜定係嘩眾取寵,總之有人睇就最緊要,因為觀眾回響愈大,就代表愈「成功」。澳洲25歲網紅Emma Carey,一副姣好身材,熱愛陽光與海灘嘅佢不時上載泳衣照,Instagram有近15萬人追蹤嘅Emma,早前上載咗一張褲底濕咗一片嘅相,正當大家覺得呢位網紅無所不用其極公開自己瀨尿照時,其實背後係佢同死神刷身而過嘅經歷。

em_carey @ ig

2013年,Emma 第一次玩高空跳傘 ,邊個都無諗過呢個係惡夢嘅開始。喺教練陪同下,佢由1萬4千英尺高嘅直升機跳落去,死神呢個時候搵上門,第一個降落傘同後備降落傘互相纏住打唔開,教練仲因為比繩纏住條頸而窒息暈咗。降到地面前,Emma係半空中深知自己即將要死,叫天不應叫地不聞嘅情況下,佢愈嚟愈接近地面……

em_carey @ ig

 

高空跳傘係挑戰人體極限,其實同「玩命」無咩分別—Emma 最終孭住教練著陸,但竟然可以大難不死。送到去醫院後,醫生診斷佢整個脊椎撞至粉碎,同時評估佢下半身完全癱瘓,換言之,佢下半身需要係輪椅上度過。

em_carey @ ig

em_carey @ ig

em_carey @ ig

 

所謂大難不死,必有後福,Emma無向命運低頭,積極進行各種手術、治療。4個月後,佢竟然奇蹟咁企到起身,開始重新學行。除咗靠治療、拐杖,就係靠強大意志力戰勝無數個難關。

em_carey @ ig

em_carey @ ig

 

Emma康復後,好快就「回歸大自然」—繼續上山下海搵人生樂趣。一張張色彩艷麗、笑容燦爛嘅相背後,你唔會覺得呢個後生女曾經同死神拼過。

em_carey @ ig

em_carey @ ig

em_carey @ ig

 

Emma早前上載咗一張相,相中嘅佢短褲後面濕咗一大片,正當你以為佢「呃like」之際,小妮子卻道出了燦爛笑容背後鮮為人知嘅苦況。

em_carey @ ig

 

因為脊椎嚴重受傷,膀胱只可以容納半杯水嘅份量,超過呢杯水嘅份量,就會發生尷尬嘅失禁情況了。

em_carey @ ig

 

佢曾經都好懊惱,選擇收埋自己,逃避現實。「一開始我同每個人都一樣,覺得失禁係件好尷尬嘅事,諗盡辦法令人哋唔知道。所以我唔敢外出,因為我好擔心其他人會發現我喺街失禁。但咁樣落去,其實變相係唔比任何人靠近我。」

em_carey @ ig

 

令人鼓舞嘅係,正面、樂觀嘅心態再一次將佢從困苦中拯救回來。Emma終於有勇氣將包袱放低,笑指認識新朋友頭10分鐘,佢已經會同對方解釋自己有失禁情況。

em_carey @ ig

 

常言道「人生不如意事,十常八久」,Emma曾經面對嘅「不如意」同一般人嘅經歷已經有好大出入,甚至令佢差啲就離開呢個世界;醒過來,就要面對自己變成殘障;康復後;有影響生活嘅後遺症。呢一切,都無將佢打低,或者換句說話講,係Emma無放棄自己,先可以令佢有往後精彩嘅人生。Emma以自己經歷做例子,鼓勵大家自己人生要由自己去創造。你有從Emma身上領悟到甚麼嗎?

em_carey @ ig

Text:POP-OL Editorial

Photo Source: instagram