BodyCare Fitness Lifestyle

《延禧》富察皇后爆瘦,37歲秦嵐46KG、體脂僅10%,4招練出一對逆天「嫩白美腿」,連20歲妹都大嘆輸了!

23/08/2018

因近日熱播嘅《延禧攻略》而爆紅嘅37歲內地女星秦嵐,唔單止演技出色,精緻嘅外貌吸引咗唔少網民嘅注意,雖然佢身高有166公分,體重居然只得46公斤,而體脂只有10%,絕對係一個爆瘦嘅身形!可能喺戲中身穿戲袍唔太明顯,但一睇返現實中秦嵐影嘅相,就知佢係一個運動狂和瘦身控,尤其係條腿真係超吸晴,完來全靠依4招就練出這對「逆天美腿」~

 

1.早餐飲瘦身果汁和獨門瘦身湯水

每日都會食早餐,如果唔食會對身體非常唔好,會多以燕麥果昔為主,佢會以水果如香蕉、蘋果及百香果等,連同燕麥一齊打成果汁,如果趕唔切食早餐,就會以依款果汁直接取代。至於湯水,秦嵐都曾經推薦過自己嘅瘦身湯,話可以改善體內循環。秦嵐瘦身湯:將一份雞胸骨汆燙後,將25公克人參鬚,適量竹筍一起放入鍋裡煲滾,然後放入10両蜆肉再滾起就完成。

 

2.飲食降體脂

要明白女人過咗35歲代謝就會變慢,所以要非常注意飲食,少吃「澱粉、馬鈴薯、少甜,喝的都是白水和蘇打水。」食嘢嘅時候會放慢速度,不但會比較容易有飽足感,而且又唔洗完全戒口,自然會食得少。每餐吃到6-7成飽就夠,讓身體有足夠時間感受到飽足感,仲有多啲飲水都可以降低飢餓感㗎。

 

3.重腹部、臀部運動

秦嵐一直都有做運動減肥,保持美好身材,佢有推薦過坐姿抬腿和「每天快走1小時」,坐姿抬腿係指坐在一張穩定嘅椅子上,屁股僅坐喺椅子嘅前三分之一,背部往後躺接近椅背,大腿併攏後腳跟踮起,保持呼吸並將雙腿抬起,15次為一組,共做3組,而依2樣運動都可以促進全身血液循環流動!佢仲會「養成收小腹的習慣」,表示每次走路、坐著都會保持收腹嘅姿勢,效果會非常好。

 

4.美肌保養要分部位

大部分女生擦瘦身霜都會全身一瓶咁,而秦嵐卻會喺唔同部位用唔同嘅美肌產品,腰會用具有緊實效果嘅產品、身體肌膚著重保濕、臀部就用有提拉效果嘅單品。「唔好一味做運動,肌膚係需要特殊嘅保養,除咗瘦之外,膚質都要整體提升。」

 

 

Text: POP-OL Editorial

Photo Source: Weibo