Beauty Food

減肥豐胸都靠它! 女生必須要知的黑豆5個神奇好處,不吃便走寶~

29/08/2018

日本人普遍都好鐘意食黑豆,你可以喺和食入面任何一餐,見到漬黑豆嘅蹤影,係因為黑豆嘅營養價值一早已經被醫學界肯定。中醫角度指黑豆有健脾利尿、下氣消腫嘅功效,而西醫角度就指出佢含有豐富蛋白質同維他命。

from pinterest

1. 改善睡眠質素

有研究指出,黑豆可以調降皮質醇水平,幫助提升睡眠質素。而黑豆含有嘅花青素就可以令人產生放鬆嘅感覺,係天然嘅助眠劑,自問成日瞓得唔好影響日間工作,真係要試吓!

from pinterest

 

2. 防便秘

黑豆纖維含量高,可以促進腸胃蠕動,有好好嘅通便作用。每100克黑豆,就有18%嘅膳食纖維。如果你屬於少菜多肉嘅人,建議每日食用黑豆防止便秘。

from pinterest

 

3. 控制食慾 

黑豆嘅膳食纖維可以長時間留喺胃部,增長飽腹感時間,令我哋無咁易肚餓。如果成日口痕想食嘢嘅女生要有效抑制食慾、黑豆係個好選擇~

from pinterest

 

4.養成白滑肌

唔講唔知,黑豆比牛奶所含嘅蛋白質高12倍,另外佢入面嘅異黃酮類、皂素、花青素、維他命E等抗氧化物質有助清除體內自由基因,延緩衰老,Keep住食,皮膚都白嫩啲!

aragakiyui_fanspage @ ig

 

5. 豐胸

有研究指出,黑豆嘅豐胸效果比木瓜仲要厲害,佢嘅蛋白質含量高達36%-40%,係肉類食物約3-4倍。同時,黑豆嘅維他命E含量係肉類嘅7倍。想要大咪咪,就需要攝取足夠蛋白質、維他命B6同E,女生們要再度發育就多食黑豆啦~

coffee89921 @ ig

 

黑豆兩食

1. 代替米飯

韓國人習慣將黑豆蒸熟加入米飯中食用,或以蒸黑豆取代其中一餐。

ching2yellow @ ig

 

2. 沖泡黑豆水

1. 將2匙黑豆(大約20g)放到白鑊中輕輕乾煎。
2. 乾煎至黑豆表皮裂開,有助於萃取黑豆中的有效營養素,加150 ml沸水沖泡已煎好嘅黑豆。
3. 蓋上杯蓋焗10-20分鐘即成。

from pinterest

 

如果女生怕豆腥味,可以加一點黑糖去除黑豆豆腥味,M到飲黑豆水可以仲可以消水腫架~

Text: POP-OL Editorial

Photo Source: Pinterest, Instagram