Celebrity Life Love Relationship

每日必接送返工!全因婚後老公強強對香香十分愛錫,令岑麗香即使做咗人妻,影相唔執都依然咁𡃁。

04/09/2018

女人婚後會變𡃁,最簡單直接嘅解釋,就係因為幸福。嫁岩咗人,生活快樂,自然容光煥發。岑麗香自從前年年尾和老公強強Jousha結婚後,經常喺受訪時都會大讚老公,又會分享佢哋嘅甜蜜點滴,皆因老公強強對香香有著無微不至嘅照顧和付出,難怪香香搵到屬於佢嘅幸福之後,就變得愈嚟愈𡃁啦~所以話一個女人婚後嘅容貌,男人係有好大嘅責任!一齊嚟學吓強強用邊5招收服香香公主啦~

1.御用攝影師

喺香香嘅ig,雖然唔係有好多和老公強強嘅合照,大部分都是個人照,但原來依啲「女神照」背後勞苦功高嘅正係老公強強!老婆鐘意Post相,就由強強以老公嘅視角影出香香最美一刻。

 

強強鏡頭下嘅香香,係唔係特別𡃁?香香而加比起出道時纖瘦咗唔少,身形均稱,加上女神級靚樣,要影出𡃁相對於強強嚟講可以話係無難度。

其實喺香香仲未成為「強嫂」之前,強強已經開始默默咁做香香嘅攝影師,其實只要細心留意依張照片,你就會睇到強強正係影相之人。

 

2.做你的知己

「我覺得最幸福的是他是我的好朋友。」香香經常對傳媒表示強強係佢嘅best freind,原來「處女黨」好友們都唔及強強咁交心。香香仲透露兩人嘅價值觀好相似,即使和對方無聊對話,都會覺得好開心。強強除咗係香香嘅愛人,亦係知己,如此緊密嘅關係,令其他男士無機會介入佢哋嘅婚姻。

香香有咗強強依個最強後盾,讓佢可以專心拍劇。不過香香都唔太錫身,早前拍攝一場打排球戲時,除咗曬黑外,仲整瘀咗雙手,強強見到應該會好心痛。

 

 

3.管接送

老婆香香身材性感,又咁惹火,強強當然要做柴可夫司機管接送保護老婆。香香透露佢拍劇時,通常會拍到凌晨2、3時,然後第二日6、7時又要開工,不論時間有幾早,強強都係會準時接送。

「那麼早,我都覺得很偉大,我無主動要求,但他很樂意這樣做。雖然短短30分鐘車程,但我們會很享受和珍惜。」連無要求嘅嘢強強都做到足、貼心照顧,絕對係一位「愛妻號」。

 

4.陪香香排戲

香香笑話自己平時喺屋企會照劇本演自己嘅部分比老公聽,想知道佢嘅意見,例如語調和表情好唔好等。雖然強強唔太識中文,但都會陪老婆排戲,可見佢非常支持老婆發展自己嘅演藝事業。

 

我好感恩終於可以同大家宣佈,上帝畀我搵到我嘅Mr.Right 喇!多年前我哋喺溫哥華因為工作關係而認識,但自此並冇聯繫⋯估唔到多年之後,喺朋友嘅介紹下,我哋再次遇上⋯強強 (Joshua) 由朋友變成我男朋友,而到今日,成為我未婚夫! 😁能夠同自己嘅心靈伴侶結婚,係一種幸福,我哋好期待踏上人生另一個階段,可以一同經歷神一齊成長。感謝我嘅家人、朋友、弟兄姊妹、同事一路幫我哋保持低調同保守秘密,多謝觀眾同粉絲朋友們一直嘅支持同祝福!感謝傳媒朋友一路以來對我嘅關心同鼓勵,拍拖之後你哋都好照顧強強😘 大日子快到了,宜家忙於準備,請體諒我未必可以完全回覆到大家😊。好感謝大家😊你們的祝福我哋完全收到晒💪🏼😄! 主祝福你哋💛

A post shared by Eliza Sam 岑麗香 (@heungheungeliza) on

 

5.移民香港

香香想留喺香港發展,而喺加拿大事業有成嘅強強決定婚後陪老婆喺香港生活,重新喺依邊搵工作。喺2016年12月17日佢哋正式結為夫婦,由加拿大、香港嘅長距離戀愛,變成共住一室嘅零距離夫妻。

之前香香喺蜜月後,就馬上接咗兩套劇集緊接拍攝,忙到連休息嘅時間都唔夠,而強強就乖乖地喺屋企練習中文。「他找了一些寫中文的格仔簿,自己在家中每天學10個字。」香香仲讚老公係為咗佢努力適應中文,希望可以盡快融入香港。

 

其實當時強強和香香拍拖一年幾就結婚,如今兩人結婚就快兩年啦~恩愛指數依然有增無減,由宣佈婚訊前從無上載強強嘅樣到社交網站,到而加愈嚟愈願意分享放閃照,相信大家都能夠感受到,強強係有幾愛錫香香,先會令香香忍唔住要分享自己嘅幸福。

🍊#madewithlove

A post shared by Eliza Sam 岑麗香 (@heungheungeliza) on

 

Text: POP-OL Editorial

Photo Source: Instagram