Accessories Fashion Lifestyle

《延禧》 「一耳三鉗」話題性極高,各妃嬪、宮女6個耳洞還原史實,吳謹言揭密這一切原來都是假的!

06/09/2018

TVB熱播緊嘅宮鬥劇《延禧攻略》,一直開播以嚟都受到大家嘅關注,從髮型、配飾、妝容到戲服都係大家關注嘅焦點,而劇集中嘅演員們近日都趁住依股趨勢,紛紛上各大節目、拍攝畫報並接受專訪。近日飾演女主角魏瓔珞嘅吳謹言就喺一個訪問中揭露戲中「一耳三鉗」嘅秘密,甚至仲向大家分享自己點樣為咗「不NG」而諗出嘅小秘訣。

《延禧攻略》@劇照

《延禧攻略》@劇照

大家睇《延禧攻略》時,有細心留意嘅觀眾,一定會發現劇中嘅妃嬪全部都有六個耳洞,咁係源自清朝滿族女子嘅習俗,叫做「一耳三鉗」。

《延禧攻略》@劇照

 

有些網友對於演員係咪「為戲穿洞」而感到好奇,喺訪問中,吳謹言就針對依個問題笑著回答話:「都是假的!」表示自己本來就有2個耳洞,但剩底嘅耳環「都是假的!」,通通都係戴耳夾式耳環,仲話如果戴耐咗耳仔上面就會自動多出深深嘅凹洞!

《延禧攻略》@劇照

《延禧攻略》@劇照

訪問截圖

《延禧攻略》@劇照

原來當時可以從耳飾嚟分辦出各人嘅階級地位,妃嬪、貴族會以金、銀、翡翠、珍珠等製作,而平民、奴婢等大多只會佩戴三個銅環示人。所以吳謹言喺劇中一開始拍攝宮女戲時,耳環會相對簡單好多,同時重量也比較輕,但到咗後期升做嬪妃時,耳環就隨住角色而變得更華麗和更重。

訪問截圖

訪問截圖

由於拍攝時,正係天氣炎熱又要身穿厚重戲服,因此經常都會拍戲拍到汗流浹背,容易令耳夾式耳環滑落,吳謹言更透露現場只要有一個人耳環掉咗,場戲就要重頭再嚟一次。而自己為咗唔讓耳環輕易滑落,喺補妝果時,會特別喺耳仔上補一層乾粉,令耳環唔易掉落。

《延禧攻略》@劇照

《延禧攻略》@劇照

而飾演嫻妃娘娘嘅佘詩曼喺現實入面根本無穿耳,所以六個都是夾式耳環!佢之前喺一個訪問中講過話:「每天都因此夾到頭痛呢。」

《延禧攻略》@劇照

有唔少網民聽到後,紛妙留言表示話:「看古裝劇也能長知識~」、「天天夾著也很痛啊!就算沒有為戲打耳洞也一樣敬業!」小編都忍唔住講句:「娘娘、官女們大家都辛苦啦~」

 

Text: POP-OL Editorial

Photo Source: 劇照, 載圖