Celebrity Life Love Relationship

蘇玉華和潘燦良拍拖22年,男友多次求婚,都一直不答應,獨立自主的呀蘇大談婚姻觀 :我不需要結婚!

07/09/2018

蘇玉華和潘燦良拍拖22年,據知佢多次向女友蘇玉華求婚,但女方都唔應承。但兩人感情早已昇華,有無婚書都視對方為終生伴侶。其實蘇玉華係一位獨立自主嘅女性,有一番事業,佢和男友潘燦良已經同居生活多年,感情要好,但蘇玉華對婚姻嘅態度:「結婚為了甚麼?取名份?等等,如果是以上原因,我猜我不需要結婚。」

 

《逆流大叔》@劇照

近日由吳鎮宇、胡定欣主演嘅港產電影《逆流大叔》,喺荷里活暑期猛片夾擊底下,仍可逆流而上愈映愈旺,票房過1千萬。《逆流大叔》大收,戲中飾演淑儀嘅潘燦良因此而更為大眾認識。現實上,潘燦良係舞台劇界早屬星級男主角,亦係和蘇玉華拍拖22年嘅男友,早前兩人仲一齊合演咗套話劇《謊言》。

即使男友已求婚多次,呀蘇一直都無答應,並唔係因為佢唔相信婚姻制度,只係唔同人有唔同選擇。呀蘇話:「結婚為了甚麼?取名份?生小朋友?或者為有個男人照顧你?如果是以上原因,我猜我不需要結婚。」

仲話:「很滿意現狀,這就是我們尋找出來的生活模式,而且大家都很happy about it,我們為何不繼續?」

對於簽紙結婚,呀蘇就認為唔係因為堅持唔做,仲話隨時都可以去簽,但唔簽得唔得,佢嘅回答係:「得!」

「其實兩個人相處最緊要係快樂,和令彼此成長。只要我哋識得互相欣賞,唔係就已經足夠?」

「或者眼見好多人都結咗婚,但婚姻承諾卻無兌現,而我哋無承諾,但所有事都兌現咗,咁反而唔係更好嗎?可能我份人既傳統又有啲唔傳統,喺婚姻上,就唔太傳統,但唔傳統都可以過得好好。」

提到潘燦良,呀蘇就話鐘意佢唔會為佢而改變自己,忠於自己。佢哋會互相尊重,愛對方就係因為佢係咁樣嘅一個人,唔認同有因為「佢為我改變呀!而認為佢真係愛我呀!」嘅想法。

當然呀蘇會覺得有人為自己改變係好,佢會珍惜,但佢更加欣賞的係,潘燦良唔會為佢而改變,因為原本嘅潘燦良已經令佢非常鍾意啦~

 

Text: POP-OL Editorial

Photo Source: Weibo, Facebook, 劇照