Celebrity Life

余德丞早前因暈倒昏迷入院,今日終於出院, 喺IG發感謝文多謝大家,仲以Hashtag表示:我只想身體健康!

07/09/2018

無綫藝人余德丞(Dickson)上個月8號喺西營盤中山紀念公園球場踢波,期間暈倒昏迷,由救護車送往瑪麗醫院搶救,更一度喺深切治療部(ICU)留醫,引嚟全城市民都為佢嘅安危而非常擔心。幸好佢昏迷咗三日後醒返,留院接近一個月後,佢今日終於康復出院啦!

余德丞高大威猛又係華仁仔、入選過港隊係運動系暖男、笑容陽光、性格暖男,佢入行以嚟的確特別受異性歡迎,唔少電視台小花都主動抄牌求關注,可見佢人緣相當好~

余德丞今日喺IG 出Post,交代自己出院,仲加上一張佢自己跑步嘅相,喻意住自己已經康復和健康嘅可貴,另一張相就係一眾TVB 同事比佢嘅鼓勵字句,和一張佢喺月頭生日,喺醫院慶祝生嘅生日蛋糕。

佢留言感謝瑪麗醫院嘅醫生護士們,仲有每日為佢準備三餐嘅屋企人、同事、朋友。

 

View this post on Instagram

 

我出院啦 🎉 🎉 🎉 感謝瑪麗醫院既醫生同護士們,見住你地早更完又夜更,又一大早巡房,又每日24小時留意住我既病情,真係辛苦你地! 感謝我既屋企人,每日擔心我病情既變化,又驚我唔知有咩需要,仲要每日頻頻撲撲幫我準備三餐。 感謝我公司,我經理人同一班好同事,成日擔心我會鑽牛角尖亂咁唸,一得閒就開解我。 感謝我既朋友,知我一個人悶,一有空檔就嚟陪我傾計,仲要買埋生果糖水俾我食。 感謝每一位關心我既你地同支持我既 fans,係唔同既社交平台都見到有好多問候我既訊息。雖然我未能夠一一回覆,不過我絕對感受到你地既心意。 不過坦白講,原來連續咁多日面對住一樣既三面牆,加埋打唔開既窗,感覺真係好難受!所以我都希望今次之後,我既身體會生生性性,爭一口氣,唔好再令大家擔心。 醫生話短期之內唔可以做運動住,相信都會係我最唔習慣既。生命無 take 2 ,今次咁好彩有多一次機會,我一定會好好珍惜。俾啲時間,等我休養多一陣,好快我就會重新出發💪🏼 #我只想身體健康 #回家最好不過 #第二生命#comebackstronger #happybirthdaytome #hk #hkig #instadaily #yuts

A post shared by Dickson Yu 余德丞 (@yuduck) on

余德丞喺IG 留言嘅全文係話:

「我出院啦 🎉 🎉 🎉

感謝瑪麗醫院既醫生同護士們,見住你地早更完又夜更,又一大早巡房,又每日24小時留意住我既病情,真係辛苦你地!

感謝我既屋企人,每日擔心我病情既變化,又驚我唔知有咩需要,仲要每日頻頻撲撲幫我準備三餐。

感謝我公司,我經理人同一班好同事,成日擔心我會鑽牛角尖亂咁唸,一得閒就開解我。

感謝我既朋友,知我一個人悶,一有空檔就嚟陪我傾計,仲要買埋生果糖水俾我食。

感謝每一位關心我既你地同支持我既 fans,係唔同既社交平台都見到有好多問候我既訊息。雖然我未能夠一一回覆,不過我絕對感受到你地既心意。

不過坦白講,原來連續咁多日面對住一樣既三面牆,加埋打唔開既窗,感覺真係好難受!所以我都希望今次之後,我既身體會生生性性,爭一口氣,唔好再令大家擔心。

醫生話短期之內唔可以做運動住,相信都會係我最唔習慣既。生命無 take 2 ,今次咁好彩有多一次機會,我一定會好好珍惜。俾啲時間,等我休養多一陣,好快我就會重新出發💪🏼 #我只想身體健康 #回家最好不過 #第二生命#comebackstronger #happybirthdaytome」

 

Text: POP-OL Editorial

Photo Source: Instagram