Celebrity Life Love

胡定欣日前生日,上載慶生相並留言:「千言萬語」情路仍在兜轉的定欣,就這樣從中學會戀愛、更練出演技!

11/09/2018

前日(9月9號)係胡定欣37歲生日,一向喺圈中人緣唔錯嘅佢,當然有唔少人和佢慶祝生日啦~當中更係包括「胡說八道會」一班好姊妹等,定欣更上載咗一張生日許願嘅照片,並留言話:「千言萬語」。

 

View this post on Instagram

 

千言萬語…

A post shared by Nancy Wu 胡定欣 (@nwuuu) on

咁岩定欣嘅緋聞男友陳展鵬噖日公開宣佈和女友單文柔嘅婚訊,唔少人一聽到依個消息都會即刻諗起胡定欣,相反定欣嘅情路仍在兜轉,不過戲劇就係人生,和佢一齊過嘅男友,都有為佢提供演戲嘅養分。

 

View this post on Instagram

 

也是唯一的

A post shared by 陳展鵬(香港) (@rucochan) on

吳浩康 2004-2006

胡定欣和吳浩康喺新秀比賽就已經認識,佢哋喺2004年拍拖,吳浩康當年因為一啲事被公司雪藏,當時TVB亦警告過定欣,唔好和吳浩康行得太近,因為怕會影響佢嘅演藝生涯。

Pinterest

不過,當年年少氣盛嘅定欣,戀愛大過天,亦係位義氣仔女,無聽公司勸告,不顧一切做吳浩康背後嘅女人支持佢,甚至做咗最壞打算:退出娛樂圈。但最後阿Deep卻移情別戀,和富家女莊思敏一齊,傷透定欣嘅心。

Pinterest

依段「貪新厭舊」嘅感情經歷,對於胡定欣嘅演藝生捱係一種苦澀嘅養分。

 

馬國明 2009-2011

自從「師奶殺手」陳豪和陳茵媺一齊後,馬國明就躍升成為大台筍盤嘅第一位,依點定欣點會唔知道?尤其係和吳浩康結束之後,成熟穩重嘅男士更得定欣歡心,環顧同事之間,馬明孝順又顧家,所以當年都傳出過係定欣神女有心在先。

Pinterest

所以喺《舞動奇跡2》後,佢哋就傳出愛火。不過最經典嘅一件事,係定欣居然喺馬明主演嘅《On Call 36小時》入面有一個幾秒過場嘅角色。

劇照@《On Call 36小時》

事後佢嚟探班、由花旦紓尊降貴做跑龍套嘅消息傳開後,有人就話其實馬明都有「客串」嘅往績,縱然最後分手,都令胡定欣明白「機會是不可錯過」嘅道理。

 

陳展鵬 2016-2017

學會「帶眼識人」、學會「爭取機會」嘅道理後,加上中間有過一啲和圈外人不如意嘅戀愛後,定欣再次和劇中對手傳出緋聞,依次係陳展鵬。

劇照@《城寨英雄》

兩人喺《城寨英雄》中飾演左勾拳和刁蘭,先係鬥氣冤家,然後了解後相戀。劇集完結之後,佢哋繼續戲外戲,演到大家都唔知道佢哋究竟有無真正開始過,但事實上佢哋曾經十分老友,劇集結束後都有約會。

Pinterest

直到陳展鵬和單文柔被撞破,到陳展鵬公開戀情,不但有唔少觀眾覺得展鵬有負於定欣,就連陳展鵬本身亦諸多避忌,反而定欣「受害者」嘅形象水漲船高,得到更多觀眾喜愛。

 

Text:POP-OL Editorial

Photo Source:Facebook, Instagram, Pinterest, 劇照