Celebrity Life

「每一次要比別人更努力」由地盤工人到視帝,陳展鵬告訴你努力不懈才有資格攀上高峰~!

11/09/2018

陳展鵬回想起之前嘅演藝路上,並唔係平步青雲~佢拍過電影,做過歌手通,而最低迷嘅時候仲曾經落過地盤做工人,每樣經歷都成就咗今日嘅佢。今日能夠成為TVB當家小生,佢好感激一班雪中送炭,曾經喺旁邊幫佢嘅朋友,而且當然唔少得對佢無限包容嘅父母~

陈展鹏煎pang@Weibo

陈展鹏煎[email protected]

陳展鵬2016年就憑住《城寨英雄》「拳佬」一角獲得最佳男主角嘅殊榮~陳展鵬得獎之後,向在場嘅父母致謝:「其實你地每一年話同我攞飛嘅時候,我都話冇飛,因為係好難攞到啲飛。但其實我希望你哋兩個嚟嘅時候,係同我分享到呢一份喜悅,我多謝我媽咪,喺我最辛苦嘅時候,我捱得最辛苦嘅時候,照顧咗我嘅健康,因為有健康才可以把握到每一個機會。」

陈展鹏煎pang@Weibo

陈展鹏煎[email protected]

名副其實孝順仔

雖然拍劇好忙,但係展鵬都會將屋企人放喺第一位,佢仲成日都比人影到同媽咪一齊行街,展鵬上年仲帶媽咪去美加旅遊,仲周不時喺社交媒體上面上載同媽咪嘅合照,媽咪都好興奮~兩個人仲去咗酒莊享用午餐,相入面睇到陳媽媽笑得好開心~

陈展鹏煎pang@Weibo

陈展鹏煎[email protected]

演藝生涯一路艱難

不過陳展鵬嘅星途其實都唔太順,自從佢1994年17歲中學畢業之後,就參加咗無綫電視藝員訓練班第7期藝員進修班,畢業之後就簽約成為無綫旗下藝員,開始咗演藝生涯~到咗1996年,佢初次出現銀幕前,曾經喺電影《衝鋒隊怒火街頭》入面飾演陳小春嘅細佬。

陈展鹏煎pang@Weibo

陈展鹏煎[email protected]

嗰年,佢同朋友去唱k嘅時候,仲遇到著名音樂樂隊Blue Jeans嘅蘇德華~當時陳展鵬加入咗全球規模最大嘅寶麗金唱片公司,仲推出咗四首單曲~當時為咗專注歌手工作,佢就同無綫解除合約

陈展鹏煎pang@Weibo

陈展鹏煎[email protected]

從演員到歌手再到地盤工人

不過好景不常,佢連專輯都未出,就遇上咗97金融風暴,當時香港經濟低迷,加上盜版猖狂,最後佢所在嘅公司被環球唱片收購,佢無被續約,唱片工作胎死腹中

陈展鹏煎pang@Weibo

陈展鹏煎[email protected]

展鵬突然失去咗歌手同演員嘅工作,因為大受打擊,所以佢好頹廢咁過咗兩三年,當差唔多係無收入,要靠父母接濟~但係本身家境就一般嘅佢,最後都要被逼向現實低頭,那時遇到一個曾經同佢一齊打乒乓球嘅判頭介紹地盤工比佢,日薪雖然只得350蚊,但係為咗生活,佢仲試過連續兩星期番工~最後維持咗半年,因為受傷,而逼不得已放棄

陈展鹏煎pang@Weibo

陈展鹏煎[email protected]

重返無綫 由低做起

2002年佢加入亞視拍電視劇,佢參與嘅劇集例如有《我和殭屍有個約會3》、《愛在有情天》等。但係嗰陣亞視開始衰落,效力六年之後,就喺08年回歸番TVB~當時好多人都批評佢亞視味濃,重返無綫之後佢接拍嘅劇集例如《情越雙白線》、《真相》同埋《單戀雙城》等都係以斯文形象示人,深入民心~呢幾套作品播出後,都成功令佢再度吸引好多粉絲,之後演出嘅劇入面佢都擔演主角,今年就有《巨輪2》、《寨英雄》等劇~

陈展鹏煎pang@Weibo

陈展鹏煎[email protected]

第一次成為視帝

雖然鍾意佢嘅人愈嚟愈多,但係佢並無因為咁而鬆懈,即使拍動作場面,佢都唔用替身,堅持自己親身上陣~回歸無綫9年嘅陳展鵬上年更加憑住《張保仔》嘅「十一貝勒爺」入圍萬千星輝頒獎典禮「最佳男主角」同埋「最受歡迎電視男角色」~最後佢雖然被黃秋生擊敗,失落咗最佳男主角,但今年他終於以《城寨英雄》拳佬一角獲得視帝,為佢21年嘅演員生涯掀開新一頁!

陈展鹏煎pang@Weibo

陈展鹏煎[email protected]

陳展鵬比任何人都更清楚,佢眼前嘅成就得來不易,即使面再差嘅境況,都要喺逆境中堅持到底 ,能夠一直唔放棄嘅人先有資格攀上另一層次~!

陈展鹏煎pang@Weibo

陈展鹏煎[email protected]

找到幸福 抱得美人歸

感情方面,陳展鵬一向低調處理,同28歲落選港姐單文柔上年三月爆出戀情,前日終於宣布拉埋天窗!:「各位親愛的傳媒朋友、各位好友,多謝大家一直對我的支持和包容。今日,好高興同大家宣布,我要結婚啦!一路以來,我都全情投入工作,直至Phoebe的出現,讓我們感受到幸福和信任。對於感情方面比較傳統的我,是時候用我最大的努力去建立一個美滿的家。多謝大家的關心,希望得到你們的祝福。」

事業愛情兩得意,大家都好替佢高興,希望煎Pan事業愈做愈好,永遠幸幸福福!

Text : POP-OL editorial

Photo source : Weibo, Instagram