Celebrity Life Lifestyle

S.H.E昨晚在台灣舉辦萬人音樂會,慶祝成軍17年,Ella的兒子勁寶更突然現身成亮點,音樂一下,回憶湧現~

12/09/2018

早前公開S.H.E《17th音樂會》免費派發門票,喺短短1分鐘內,一萬兩千張門票索取一空,同時亦可以透過線上直播睇到。而音樂會噖晚終於喺台灣中正紀念堂戶外廣場舉辦,慶祝S.H.E成軍17年。原本以為無嘉賓,係諗到Ella嘅仔仔勁寶突然現身,勁寶不單只無怯場,甚至搶走Hebe嘅咪,Ella驕傲咁話:「我就知道你不會哭,你是見過世面的好孩子!」

演唱會由一陣鬧鐘聲開始,將時光帶返去2001年9月11日,一開場由歌曲〈戀人未滿〉將歌迷帶回青春歲月,「大家好!我們是S.H.E,男生的女朋友,女生的好朋友!」睇見台下各有嚟自香港、中國、星馬,佢哋3人都感動不已。

其中有個小插曲係Ella因為主辦方成功扼阻黃牛而叫好時,唔小心打到Selina,令大家都受到小驚嚇。另外Hebe就放話:「為了接下來的組曲喝了4瓶膠原蛋白,拚了!」點知中間突然唔記得歌詞,自嘲已經崩壞。

唱到〈美麗新世界〉時,Ella突然介紹位神秘嘉賓,就係佢個仔仔勁寶出場,未夠歲半嘅勁寶雖然無跟住唱,但就順勢奪走Hebe嘅麥克風,場面可愛溫馨。

音樂會亦有感性嘅一面,S.H.E提到某位離世嘅歌迷,心中感觸良多,Ella話:「人生的前方,都是光明的道路。」Hebe和Selina亦表示不管遇到咩問題,佢哋3人都會繼續陪伴大家,將〈你曾是少年〉一曲獻比一路上支持佢哋嘅歌迷們。

音樂會嘅尾聲喺唱完生日快樂歌之後,最後一首亦係最新嘅一首歌,就係吳青峰為S.H.E度身訂造嘅歌〈十七〉,並且相約十八,亦意指成年時再見面。

S.H.E更表示會和歌迷相約下年成軍18周年時再見面!

 

Text:POP-OL Editorial

Photo Source:Instagram, Facebook