BodyCare Fitness Lifestyle

「沒事多喝水、多喝水沒事。」為了皮膚好、身體好,多點喝水吧!跟著醫生所說的「3000 cc喝水法」,持續6個月會發現神奇成效~

19/09/2018

由細到大,都聽講每日最好要飲6-8杯水。人要常飲水,因為水可以幫助體內酸鹼平衡,飲唔夠水嘅人,身體基本上都偏酸,更會出現代謝不良、肥胖水腫、腸道便祕、皮膚老化等問題,所以話飲水對人真係好重要!

雖然現今電波拉皮、注射玻尿酸或長效膠原蛋白、埋線拉提、幹細胞療法等醫學美容多不聲數,或多或少真係有淡化淚溝法令紋、撫平皺紋、創造小V臉等效果。不過講到尾,皮膚老化嘅關鍵係在於人體缺水。

而臉上膚色不均勻,好大部分係同飲唔夠水、令內臟無法有效排毒有關,臉上生暗瘡和痘痘反應出體內臟器嘅健康危機,例如下巴周圍長痘,好有可能係內分泌失調。若腸道唔健康,臉色就會枯黃黯淡,更嚴重會出現便祕,連帶皮膚仲有可能出現內分泌性過敏反應。

人如果缺水,就好似旱季嘅溝渠,污垢會藏係裡頭,但若落場大雨沖過,就能馬上清潔果啲污穢物。

曾有傳統養生書籍建議每日飲水量為「體重×30CC」,但其實每日應該要飲3000 CC份量嘅水。有臨床研究指出,女生若每日飲至少3000 CC嘅水,連續6個月後,肌齡會年輕10歲,或出現體重下降嘅效果,甚至一啲有便祕問題嘅人,飲水養生之後,肌膚水潤透亮、容光煥發,問題自然消失。

當然其份量係需要依照個人實際狀況有所增減。如果你運動時間好長、流汗流得多,又愛做桑拿、蒸氣室,躺岩盤浴排毒的話,有可能需要飲超過3000 CC嘅水。

Pinterest

或係去比較炎熱、乾燥嘅地方旅行,飲水量亦需要增加,甚至,如果飲酒飲得多、食得太油膩,飲水量都需再調整。

想知自己需要加定減,其實係有個簡易嘅自我檢測方式:「品嘗水的味道」,人體處於缺水狀態,水嘅味道會特別甘甜,相反,若已經飲夠,再飲落去,水嘅味道會轉苦,即係指果日飲水嘅份量已經足夠了。依個係人體自我平衡嘅機制,只要留意下,你一定能夠察覺到味道嘅變化。

如果以3000 CC為基準,可以參考以下嘅飲法:

1. 起床先飲500 CC溫熱嘅水,慢慢飲,細細啖,讓腸道慢慢醒過嚟,然後先去廁所。

2. 到中午前再飲500 CC,唔洗擔心,其實好易就飲到依個份量。

3. 中午和下午都可以盡量飲,一樣係慢慢喝,到傍晚5、6點太陽落山之後,就要開始少飲。

4. 入夜後一整晚都唔好飲超過500 CC,尤其係訓前2小時,儘量唔好飲任何飲料,係為咗要避免半夜起身去廁所,中斷睡眠。

而針對想減肥嘅人,另外有一個飲水小妙招,就係喺食嘢前先飲500 CC,再搭合做運動,減肥、排毒效果會更顯著。記全一樣係細細啖,切忌狼吞虎咽,每日至少飲3000 CC溫水,有智慧去選擇對自己好嘅生活習慣。

 

Text:POP-OL Editorial

Photo Source:Instagram, Pinterest

Source:時報文化