Lifestyle

以後番工不要再假笑!美國研究:上班擺臭臉更有助提升工作效率,犯錯率亦大大減低~

20/09/2018

我地一日起碼有1/3時間要用嚟番工,當然想開開心心啦,畢竟番工時間佔人生太多時間啦,如果唔比自己過得快活一啲,成世人流流長一定好難捱!不過人有好情緒都有壞情緒,當遇著唔開心、難過嘅日子,如果都要頂住一張假笑臉番工,未免太折磨人啦~不過唔洗擔心,以後你可能可以盡情擺臭臉啦!因為美國有專家指出,上班擺臭臉竟然更有助提升工作效率~

Pinterest

Pinterest

美國媒體 Quart 嘅創意副主編班奈特史密斯(Meredith Bennett-Smith)就喺佢嘅文章入面指出,如果要員工喺工作嘅時候,刻意保持唔自在嘅笑臉係多餘,無必要!當然,佢嘅意思唔係叫工作嘅時候對人肆無忌憚地無禮,而係唔需要為咗迎合人而表現得比實際愉快,如果唔係隨時會惹來反效果呀!

Pinterest

Pinterest

而呢個講法都唔係無道理,例如慕尼黑工業大學研究發現「女性員工工作時表現愈愉快,被晉升到主管職位的嘅機會愈低」,而無刻意表現愉快、甚至係較臭臉嘅員工,生產力、溝通能力都相對較高,而且犯錯誤比率都會較低~

Pinterest

Pinterest

除此之外,有研究更發現,番工時候被逼壓抑負面情緒、扮開心,唔單止唔會令我地變得更快樂,仲會令本來就唔開心嘅人更加空虛落寞,對身心健康非常有害!

Pinterest

Pinterest

而且更有唔少研究指出,人喺情緒低落嘅時候反而會更專注地思考,即係當開心指數下降,我地溝通同批判思考力反而會增加!

Pinterest

Pinterest

當然如果你番工真係好開心嘅話,就唔好刻意要擺臭臉~但如果你唔想扮開心,或者遇著情緒低落嘅時候,就唔好勉強自己啦,不但可以平衡心理健康,更可以提升工作效率,真係臭臉一族嘅福音呀!

Pinterest

Pinterest

Text:POP-OL Editorial
Photo Source:Pinterest
Source: Quart