BodyCare Fitness Lifestyle

咪再訓咁少啦!有研究指出睡眠不足反而會長肉~睡眠:你對力量一無所知。

20/09/2018

有研究發現,每晚訓教時間只有5個半鐘嘅人,新陳代謝會下降8%。假設運動和飲食習慣唔變,每日消耗熱量比訓教充足嘅人少120千卡,1年後體重會增加大概5.7公斤。

訓唔夠的話會比人感覺就係攰,訓唔夠和勞累幾乎成為現代人工作寫照,但讓好多人最疑惑不解嘅係,自己都咁攰,連訓教嘅時間都無,明明應該好憔悴消瘦,點解仲會被肥胖搵上門呢?攰成咁樣都仲會長肉?究竟啲肉係從邊到嚟㗎呢?

人喺訓教嘅時候,代謝率以靜息代謝為主,幾乎就等同於將人體調節成節能模式,而清醒嘅時候代謝率係更高,所以「睡眠越差、越累,然後越胖」睇落去似乎好唔合理,咁實際嘅情況又係如何㗎呢?

 

#身體疲憊不會加速代謝水平

訓教質量嘅好壞會直接影響代謝率,但係依個過程十分複雜,並唔係簡單一個原因造成,簡單嚟講就係:儘管你超攰,但身體並唔會因為你嘅疲倦而加速代謝水平,反而有可能出於多種原因,去降低咗你嘅代謝率。

 

#睡眠不足會讓你想吃吃吃

你有無試過訓教前肚餓,但訓醒咗後,肚餓嘅感覺就消失咗?多數係因為由於體內「瘦素」分泌受到影響。如果你有足夠嘅睡眠,咁身體就會分泌「瘦素」,「瘦素」係一種讓你知道溫飽嘅荷爾蒙。

但如果你訓唔夠的話,身體就會分泌一啲讓你產生飢餓感嘅激素,果時嘅你嗅覺會變得十分敏感,對食物嘅渴望會瞬間達到頂峰。簡單來說,睡得少,那麼用在吃的時間則會增加。

另外,睡眠不足的情況下往往對高熱量、高脂肪、高碳水化合物的食物更感興趣,所以睡不好於情於理都會增加胖的幾率。

 

#睡眠不足會影響胰島素的功能

訓唔夠嘅情況下,往往會影響胰島素嘅功能,曾經有研究人員做過實驗,儘管訓得夠或唔夠嘅人,對比佢哋糖耐受量無太大嘅差別,但訓唔夠嘅人明顯會增加胰島素嘅分泌,並且降低胰島素嘅敏感性,如果長期睡眠不足的話則有可能增加胰島素抵抗嘅風險,換句話講會增加糖尿病嘅風險。

當然偶爾一次熬夜唔至於要太過擔心,人體並無咁脆弱,只要唔好長期「摧殘」就得啦~

 

 

#減少分泌生長激素的時間

生長激素對於人體係十分重要,而且佢有調節代謝率和脂肪分解嘅作用,而生長激素係會喺訓教嘅時候大量分泌!

 

Text:POP-OL Editorial

Photo Source:Instagram

Source:Columbia University