Celebrity Goddess

「骨子裡都是富察皇后」!網民米蘭逛街巧遇秦嵐在特價區掃貨,大讚她節儉、無架子~

24/09/2018

《延禧攻略》入面秦嵐飾演嘅富察皇后一角溫柔善良,深受觀眾喜愛,而戲外,秦嵐亦因為此角人氣急升,工作邀約不斷。近日佢又遠赴到米蘭參加時裝周,更被網民喺商場巧遇佢行街,當時佢正喺特價區掃貨,網民大讚佢:「不愧是節儉力行的皇后娘娘啊!」

《延禧攻略》劇照

有網民幸運地遇見喺米蘭參加時裝周嘅秦嵐,佢以一頭中分長髮示人,身穿米白色V領長裙,散發住清新脫俗嘅仙氣,遠處見到佢視線就已經被佢深深捕捉住。

網民更喺網上發文大讚秦嵐真人真係好靚,雖然佢宜家好紅,但就算發現有人影佢相都無面露半絲唔耐煩同嫌棄,毫無架子:「很nice,脾氣很好的樣子,真的是容音小天使啊!」~

相片於網上曝光之後,有眼利嘅網民發現照片中秦嵐係喺斷碼特價區入面掃貨,到櫃台結帳嘅時候,佢仍然拎起吊牌不停檢視,反覆確認商品價格,網民紛紛激讚佢節儉作風:「這就是我們愛的白月光」、「容音就是節儉!」。

可見戲裡戲外秦嵐都係節儉之人,《延禧攻略》一劇中,富察皇后雖然出生名門,衣食無憂,但一生節儉、平易近人,因此深受眾人愛戴。在位期間,即使身份尊貴,但所有裝飾都係絹做成,只有喺大場合先會穿戴該有嘅服秩,佢不飾珠玉,平時都係以通草絨花裝飾。

《延禧攻略》劇照

難怪于正會搵秦嵐飾演富察皇后一角啦!網民更指秦嵐骨子裡都係富察皇后~現今嘅佢翻紅後身價升高好幾倍,但依舊作風一股清流。曾經被傳媒問及佢價碼三級跳嘅傳聞,佢笑住否認並強調:「感受到大家都很喜歡我,很感恩,不過人不可以這麼貪心!」。

《延禧攻略》劇照

如此看來秦嵐私下都同樣係一個溫柔、又有氣質嘅大美人,就如網民所指:「骨子裡都是富察皇后一樣」!

Weibo

Text : POP-OL Editorial
Photo source : Weibo