Beauty Celebrity Life

出道到現在完全無走樣!36歲孫藝珍勇奪影后,教你凍齡秘訣,把樣貌身材維持在最好狀態~

27/09/2018

孫藝珍前排就以《經常請吃飯的漂亮姐姐》勇奪影后,可喜可賀!2003年拍攝第一部劇集《夏日香氣》到宜家,佢嘅樣都無太大轉變,非常令人驚歎,36歲嘅佢唔理係樣貌定係身材都完全無走樣,到底女神有咩凍齡方法呢?一齊睇下佢嘅保養秘訣啦!

《夏日香氣》劇照

《夏日香氣》劇照

1. 每日運動

孫藝珍認為隨住自己年齡增長,唔可以再靠節食方法減肥,最實際就係恆常運動,所以佢即使工作再忙,都一定會抽一個鐘或以上做運動、瑜珈,以保持做運動良好習慣,維持美好身段~

2. 檸檬水護膚

孫藝珍平日好注重皮膚保養,佢會將切片嘅檸檬放喺冰水浸 30 分鐘,然後過濾變成檸檬水塗上臉,檸檬有美白淡斑作用,而浸過冰水之後更可以有效收緊毛孔同皮膚~

3. 毛巾敷臉

除咗護膚之外,孫藝珍都好注重臉部毛孔清潔,所以佢有用暖毛巾敷臉嘅習慣,敷臉嘅時候可以透過熱力軟化臉上嘅角質,呢個時候只要輕按面部肌膚就可以防止廢物積聚。

4.運動瘦身

a. 側壓

首先雙腳交叉平放喺地面,背部保持挺直避免「寒背」,然後左手扶住側方嘅地面,右手舉高連整個上身向左壓大概15-20秒,然後換邊輪流側壓即可。側壓注種拉伸柔韌嘅練習,主要可以保持身材線條。

YouTube

YouTube

YouTube

YouTube

b. 平板支撐

平板支撐係好常見嘅瘦身動作,主要以雙前臂以及雙腿撐起全身,背部保持挺直,可以訓練到腹部、手臂同埋大腿,其運動量量都非常高。

YouTube

YouTube

Text:POP-OL Editorial

Photo Source:Instagram, YouTube