BodyCare Diet Fitness

產後半年立即修身!兩個月減10公斤,全智賢獨有減肥法,減低食慾方法+特別食物配搭~

27/09/2018

韓國演員全智賢年初再誕子,產後只係短短半年,佢嘅水腫已經完全消失唔見,身形回復骨感,完全唔似兩個小朋友嘅媽媽。生咗兩個BB都可以勁速修身,更曾經2個月減10公斤,到底佢嘅減肥秘笈係咩呢?

全智賢憑《來自星星的你》紅遍亞洲,然後《藍海傳說》再引起一翻熱潮,但唔講唔知原來後者係佢嘅產後之作!可以喺2個月內極速減磅,並飾演美人魚,令人好好奇佢到底係如何做到~佢話自己嘅做法不外乎運動同埋飲蔬果汁,不過值得留意嘅係佢有獨門減低食慾嘅方法,以及奇怪嘅食物配搭,竟然有助瘦身!

《藍色海洋的傳說》劇照

《藍色海洋的傳說》劇照

唇膏、牙套減食慾

細嚼可以有助減肥,減少吸收,全智賢利用「道具」,減慢進食速度,減少貪食念頭~佢飯前會戴牙套,令咀嚼食物變得困難,又會擦唇膏,迫自己將食物切細,以便避開唇膏放入口。用餐具嘅時候,會用唔常用嘅嗰邊手,令進食速度變慢,食物分量亦會隨之減少~

即食麵減肥?

全智賢曾經拍即食麵廣告嘅時候,因為身材火辣而引起討論,有傳佢靠食即食麵減肥!令人驚訝~即食麵係含澱粉同埋纖維質嘅鹼性食品,可以增加飽腹感,促進腸胃消化,但就被視為高熱量、脂肪,因為佢製作過程會經過油炸,如果揀經風乾或者熱烘處理嘅即食麵,脂肪含量相對會較低。

而煮食嘅時候,都要盡量唔好添加太多調味粉,同埋避免將飲哂啲湯。亦可以用較健康方法煮,例如配搭綠茶製作泡麵,可以有效抑制脂肪停留腸壁,或者可以將麵餅整碎,加入脫脂奶同埋少量蜂蜜。不過每個人體質都唔同,如果要靠食即食麵減肥,最好都係先咨詢營養師意見啦!

雞胸肉奶昔控制體重

雞胸肉奶昔呢道料理聽落好奇怪,不過全智賢係用佢取代正餐,4日內減走4公斤!呢道料理係佢請營養師特製嘅減肥菜式,材料包括煮熟雞胸肉、300毫升牛奶、10顆杏仁、3顆核桃,以及新鮮水果,做法就只需要用攪拌器將材料打成奶昔。不過,有營養師就指呢個食法只係適合取代一餐,同時仲要攝取足夠維他命同埋礦物質。

減肥方法因人而異,最重要係最出適合自己嘅,不妨尋求專業人士幫助,就可以健康咁瘦身啦!

Text:POP-OL Editorial

Photo Source:Instagram