Celebrity Styling

這樣穿減齡10年!學37歲「皇后娘娘」秦嵐的穿搭,優雅又帶點少女味~!

27/09/2018

37歲秦嵐憑出演《延禧攻略》富察皇后一角爆紅,唔止成為帶貨女王,更令一班明星都變小粉絲,爭住同娘娘合照,真係魅力沒無擋啊!

不過雖然秦嵐已經37歲,但現實中嘅佢點睇都唔似有咁大年紀,除咗平日保養得宜又狂做運動外,秦嵐嘅穿搭都令佢睇落減齡不少,一齊嚟睇吓皇后娘娘平日點襯衫啦~!

早前一班《延禧》演員抵港出席宣傳活動,秦嵐喺機場幫記者執咪套,被粉絲大讚非常親民!佢當日身穿深藍色直紋上衣加西裝裙,好有知性美~

秦嵐早前出席米蘭時裝週,以一條粉藍色雪紡刺繡連身裙艷壓全場,再配上一對裸色高跟鞋,瞬間成為焦點!

秦嵐喺米蘭時被拍到特價區大購物,一身白色連身裙優雅又仙氣~

一身緊身棗紅色連身裙雖然會有點老氣,但配上超高開叉設計、珍珠長耳環,立即成個人Sharp晒,而且非常優雅~

白色連身裙配搭銀色波鞋,再紮個丸子頭,仙氣得嚟又少女~

淺粉紅色吊帶連身裙幾秦嵐嘅氣息襯托得好好,配上銀色長耳環可令面形望落細啲,自然更加後生。

想悠閒啲時以白色T-shirt再配上牛仔短褲,簡單得嚟又唔會顯老。

連身短褲並唔係少女專利!學秦嵐以粉紅色T-shirt配搭黑色直紋短褲,即時減齡10年!

簡單的白色T-shirt加牛仔褲,再戴頂圓邊草帽,超有渡假風~

娘娘都會著得好潮,漁夫帽加金絲眼鏡,配搭一身運動套裝,少女味滿滿!

黑色衛衣配白色鴨舌帽,話佢18歲都有人信!

淺色熱褲配上風褸,淨係對美腿已經搶晒鏡!

深色牛仔短褲配搭同色牛仔褸,型格又不失少女味~

熱褲配黑色冷衫,再戴頂「軍帽」,潮得嚟又不失皇后娘娘嘅霸氣!

Text:POP-OL Editorial

Photo source:Pinterest, Weibo