Beauty

豎心眉的人容易晚婚!6大眉形話你知你的運勢、性格、愛情觀,修一對適合自己的眉很重要~

28/09/2018

有人話睇掌紋可以看得出人嘅事業、感情同埋命運,但原來就連眉型都可以講出一個人嘅運勢、性格同埋愛情觀~眉毛於別人對你嘅第一印象中佔有一定比重,所以一定要好好打理,了解每道眉毛嘅含義,修一條好眉,改變你嘅運勢啦!

1. 霸氣一字眉

唔好以為一字眉只係潮流,佢除咗係「韓妝」嘅標誌之外,原來仲可以睇出你嘅愛情觀。擁有筆直一字眉嘅人比人一種霸氣嘅感覺,佢地做事果斷,做事、說話唔會轉彎抹角,擁有堅定信念,咁樣嘅性格喺事業上佔盡優勢,又可以得到同事信任,又會得到老闆賞識。

對待愛情佢地都非常認真,唔會馬虎~霸氣嘅一字眉底下卻藏住的一顆少女心,非常嚮往浪漫嘅愛情,並且會認真對待,細心經營!

2. 溫馴柳葉眉

擁有柳葉眉嘅人就好似柳葉一樣輕柔,比人一種温文有禮嘅感覺。咁樣嘅女仔對每段關係都會交出真心,絕對唔會背叛朋友或者情人,所以容易被人信任,係溫柔賢淑妻子嘅好人選。

不過都正正因為佢地心思細密,容易被唔同因素影響,考慮過多,做決定嘅時候唔夠果斷,容易寬容別人,但就會難為咗自己~

3. 慵懶八字眉

八字眉比人一種成日都好苦惱,悶悶不樂嘅感覺,令人覺得難以接近,但當你認識佢地之後,就會發現佢地好親切、心胸廣闊,又鐘意做傾聽者。

當遇到問題嘅時候,會理性分析,咁樣嘅女仔唔太鐘意充滿激情嘅愛情,反而希望細水長流~

4. 纖細新月眉

新月眉同柳葉陌有九分相似,兩種都係彎彎嘅眉型,不過新月眉無眉峰,整條眉睇好似月亮一樣。呢種人唔單止心思細密,都好善於表達自己嘅感情,散發住一種文藝氣意。

4c35efacly1fucgw8wqo0j20tz16maec

Weibo

細長嘅眉毛給時代表心靈手巧,大家不妨睇睇身邊鐘意玩藝術嘅朋友,係唔係都擁有呢種新月眉。圓滑嘅眉毛同時代表佢地嘅處事方式,唔會無理取鬧,平靜體貼,係男人理想嘅對象,令人不禁有種想保護佢地嘅感覺。

Weibo

Weibo

5. 剛烈三角眉

擁有菱角分明嘅三角眉嘅女仔,剛烈得好似個男仔一樣,大膽勇敢、破格嘗新、爽快、不拖泥帶水。說話直白爽朗,有好有壞都會直言。不偏不倚嘅處事方式,令佢地喺職場上有更好嘅成就,而且性格開朗,鐘意同人傾計。不過,三角眉嘅人有時太自我中心,太依賴另一半對你嘅感情,有可能會令對方造成負擔。

83vdgkh251gq0003_9381730225bab6319729c6

6. 強勢豎心眉

因為眉尾上揚,所以眼神都比較淩厲,呢種人就好似永遠都唔會陷入迷惘,非常清楚自己方向咁。擁有豎心眉嘅人事業心非常重,非常堅持自己,唔輕易認輸,當然都唔會輕易容許自己失敗。所以可以爬上高位,佢地有自己一套想法,唔希望被婚姻束縛,亦好少男人可以管得住佢地,所以晚婚機會都比較高!

Text:POP-OL Editorial

Photo Source:Instagram, Weibo