BodyCare

5秒內成為目光焦點~學黑寡婦打造完美胸型!還我愛美神導彈謝絕下垂八字奶~

02/10/2018

唔係人人都可以做「e cup baby」,但只要胸型堅挺渾圓,一樣可以有睇頭!隨住年紀愈大,地心吸力,任何胸型嘅女士都有可能變下垂「八字奶」,唔想胸型愈來愈向外擴,好好趁住入秋著手改善胸型,下一個夏天就可以展現最自信嘅女性體態美喇!跟住以下4個tips,打造黑寡婦Scarlett Johansson、同蔡依林嘅愛美神美胸吧~

scarlettjohannsonn @ ig

1 . 少飲酒

盡量克制自己唔好飲太多酒,因為飲酒過量會提高罹患乳癌的風險,擁有健康已經是最大嘅美麗了~

from pinterest

2. 多按摩

認真按摩呢回事,就唔好假手於男友了~按摩胸部有助塑形,對抗八字奶。被喻為G奶女神嘅蔡依林,就表示自己每晚都會堅持按摩胸部。方法就係先塗上可以滋養肌膚同潤滑嘅乳液,或者美胸容產品,由外向內將外擴嘅贅肉往內集中撥,再以輕力拍彈方式將下垂胸型往上推;另外,刺激乳腺穴位,可以令胸部更堅挺,順住乳房外畫圈刺激穴道,配合飲食自然會事半功倍。

from pinterest

3. 唔好駝背

做開低頭族,長期對住手機、電腦,駝背變成不自覺嘅壞習慣,除咗影響腰背健康,仲令膊頭向內凹,望落去勁唔美感之餘,又會令胸部變細又外擴!所以平時坐姿要正確,即使企喺到,都要隨時提醒自己要挺胸縮小腹,膊頭可以自然放鬆,望落去更有體態美之餘,八字奶就無咁容易搵上門~

wongtsuiyu @ ig

4. 選擇質素好、合適嘅胸圍

千萬唔好貪舒服,成日都著無鋼圈胸圍,特別係上圍較豐滿嘅女士,無鋼圈胸圍對胸部承托力不足,有機會導致胸部下垂或向外擴張;另外,太細嘅胸圍會造成壓胸,都會影響胸部撐托。近年好流行嘅Bralette,強調舒適度同美觀性,過去一個炎夏作為Bralette粉絲嘅你,進入秋冬就要乖乖著番功能性強嘅有鋼圈內衣喇!

ghlchan @ ig

5. 美胸按摩

黑寡婦Scarlett Johansson擁有堅挺胸型,據說佢拍攝前勤做運動。由於胸部只有乳腺,韌帶、脂肪同纖維等組成,但地心吸力會令胸部往下拉,運動可以話係最好嘅天然整型術。想要集中嘅雙峰,每日乖乖運動半個鐘,仲可以調節雌激素,減低患上乳癌嘅機會!

scarletjonhansson @ ig

coffee89921 @ ig

Text:POP-OL Editorial

Photo source:Pinterest, Instagram