Lifestyle Self

愛情轉身過後留下多少遺憾?分手這堂課,該學的絕對不比戀愛少,我們要學習關於分手的6件事!

02/10/2018

一段感情走到盡頭,若唔係兩個人能夠一齊努力延長依條路,咁就會喺盡頭分開各自走落去。關於分手,無論係邊個都唔想有嘅結果,但往往當一段戀情已經出現咗裂痕、動搖時,應唔應該繼續維持或係該斷就斷,就好似電影《後來的我們》中果句揪心嘅對白:「後來的我們甚麼都有了,卻沒有了我們」。然而,分手對於我哋嚟講,要學習嘅事實在太多啦~

 

1. 男女分手的原因

分手嘅原因有好多種,根據調查發現,喺感情中,女生較易受情緒因素影響,因為「沒有安全感」,而導致分手嘅機率最高,相反,男生最常會出現「試了,但就是沒感覺」嘅分手原因,若果依啲原因出現喺你嘅感情中,就要努力試下問題係咪可以先以溝通解決,讓分手嘅可能性減到最低。

2. 分手前問問自己這幾題

點解想分手、分手後會不會後悔,又或者無咗果個你已經習慣嘅人陪喺身邊會有幾心碎?提出分手時,你會點說點做,對於兩個成熟嘅大人嚟講,分手後再復合都可能係一個必經嘅關係路程,亦會更加清楚彼此要嘅係咩,如果仲係未有共識,咁就可以確實提出分手!

3. 勇敢離開是一種成長

當然喺一段付出心力、時間經營過後嘅感情中,並唔係話分手就分手咁簡單,可能會因為怕麻煩而唔願意離開明知係錯嘅人,咁樣只會為你帶嚟更多嘅麻煩。明知兩人已經喺某個路口相錯,都仲硬要往前走,時間越長只會讓你們離得越遠,拖嘅時間越耐,浪費越多嘅只會係你嘅青春。

4. 與一段感情說再見

大家都話,一段感情嘅結束,係愛情必經嘅過程,唔會有人教你應該要點做會比較好,只有自己親身經歷,加上練習點樣面對和處理,先至能好好讓一段逝去嘅感情,隨時間慢慢沖刷掉所有傷痕,你依然係最美好、最優秀嘅果個你,勇敢失去之後,才能夠好好再去愛。

5. 該不該挽回

和一個你曾愛過嘅人分開,本來就係一件困難嘅事情,講分手之後,心裡會不斷出現那曾經嘅美好,依個時候會讓你不斷反思,係咪應該聯絡前度,挽回果段關係,又或者係因為唔甘心而想再搵返佢,喺衝動之前,好好咁和自己內心對話,問下自己:「兩人之間嘅問題真係能夠解決嗎?」

6. 分手歌單

關於分手失戀嘅痛苦,每個人都體會過,無論係想好好沉澱心情,或係想好好咁大喊一場,比自己發洩吓,抹乾眼淚後,讓自己拾起對愛情嘅熱情,重新相信愛情,對嘅人只係遲一啲出現,愛情唔係去搵,而係需要碰上。

 

Text:POP-OL Editorial

Photo Source:Instagram