Celebrity Lifestyle

《天龍八部》第6次翻拍!文詠珊演仙氣「王語嫣」挑戰失敗?!網民:適合演女妖

05/10/2018

經典武俠劇《天龍八部》今年將再次喺內地翻拍,劇組之前就確定劇中主角將由邊幾位演員出演,男主角蕭峰將會由台灣型男楊祐寧飾演﹑段譽則由內地小鮮肉白澍飾演,而喺《延禧攻略》飾演爾晴嘅蘇青今次就做阿朱。不過網友似乎對於女主角王語嫣嘅選角唔太滿意,被公認靚女嘅文詠珊 (Janice Man) 雖然擁有精緻臉孔,但有人覺得佢氣質跟金庸筆下嘅王語嫣有出入,甚至將佢同歷代王語嫣—李若彤、宋岡陵、陳玉蓮、劉亦菲等等仙氣女神比較,覺得佢最無神緒,你哋又覺得Janice Man夠唔夠仙氣呢?

from Weibo

早前網上曾經瘋傳王語嫣一角將會由內地女星李一桐出演,因為佢曾經喺《射鵰英雄傳》飾演少女版黃蓉,受好多武俠影迷讚賞。

from Weibo

from Sina

今次嘅中港台合拍武俠片《新天龍八部》,香港代表由文詠珊飾演女主角王語嫣,但唔少人都認為文詠珊雖然係靚女,但整體氣質唔夠出眾,跟「端麗無雙,清麗絕俗」之稱嘅王語嫣有出入。加上文詠珊長相比較有現代味同妖魅,有人覺得佢嘅氣質更適合演陰險毒辣、冷血無情嘅阿紫。

from Sina

文詠珊過往都有拍古裝片,每個造型雖然靚,但始終脫離唔到時代感。

from Sina

from Sina

小編都覺得佢根本就係現代fashion icon,著上古裝雖然靚,但總有啲格格不入嘅感覺,時尚造型更貼近個人氣質。

from Weibo

曾經連金庸本人都大讚「演得最真」嘅王語嫣,就係1982年《天龍八部之六脈神劍、虛竹傳奇》中由陳玉蓮演繹。當年陳玉蓮既清純樸素,又嬌媚冷艷嘅氣質,演活金庸筆下神清骨秀嘅王語嫣。

from Sina

from Sina

劉亦菲2003年亦曾經演過王語嫣,當年仍帶點baby fat嘅劉亦菲,演「神仙姐姐」真係好靚啊~

from Sina

近年文詠珊進軍內地市場,儲集唔少內地粉絲,但無奈以往嘅王語嫣確實個個都演得活靈活現,今次文詠珊要突圍而出,想令人眼前亮真係幾有難度,大家就拭目以待吧~

Text:POP-OL Editorial

Photo source: Weibo, Sina