Beauty Food

不需花錢買骨膠原粉啦~把這3款滋潤糖水學起來!它就是你減齡養顏的小秘訣!

08/10/2018

近年坊間有新興唔少骨膠原產品,去開日本嘅女生都一定見到一包包骨膠原沖劑勁熱賣。小編都親身試過,功效確係唔錯,但一停飲就打回原形,而且骨膠原粉末嘅味道,一般而言都係唔太好飲,其實女生唔需要特意花錢買骨膠原粉~簡易滋潤糖水,既可以補血氣又可以滋潤一吓乾燥嘅肌膚,仲可以煲埋畀另一半飲乘機加分!就算平日少入廚房,以下呢3款糖水你都一定掌握到!

from Pinterest

1. 蓮子雪耳紅棗杞子糖水

功效:雪耳一向都係清補良藥,滋潤得嚟又唔會膩滯,有「平價燕窩」美譽。雪耳有助胃腸蠕動,減少脂肪吸收,保持女性身材的苗條。

材料:蓮子 1碗 、雪耳 1個、杞子 1抓、紅棗 6粒、8碗、冰糖 適量

製作方法:蓮子預先一晚浸水,去芯洗淨。雪耳先浸軟,去蒂切成細塊。紅棗洗淨,然後切半去核。將所有材料放入煲內,以大火煲滾,之後轉細火煲一個鐘,最後加入杞子、冰糖煲五分鐘即成。

from Pinterest

2. 馬蹄木瓜雪耳糖水

功效:雪耳養顏,紅棗可以補肝補氣、養血安神,係養生恩物。

材料:木瓜 (去皮去核切中件)、雪耳半 、 紅棗4-6粒、4碗 、冰糖 適量 、熟雞蛋 (烚熟去殻) 2隻

製作方法:水滾後,放入所有材料 (蛋除外),以中大火煮10分鐘,然後轉細火煮15分鐘,最後加入熟雞蛋多煮5分鐘即成。

from Pinterest

3. 海底椰椰汁百合雪耳露

功效:海底椰清甜多汁,比較滋潤;百合可以清心安神、潤肺止咳;雪耳可以滋陰潤肺,益胃生津。

材料:椰漿 165ml、 百合 1個 、雪耳 1朵 、新鮮海底椰 4個 、白冰糖 120g 、2000ml

製作方法:雪耳用清水浸軟去蒂之後,切件備用。新鮮嘅海底椰需要去皮,切成粒狀。將百合剝成一片片後洗淨,煮滾2000ml 水後,轉細火加入雪耳煮大約半個鐘,加入新鮮海底椰、百合煮大約15分鐘,加入白冰糖調整甜度,最後熄火,加入椰漿後即可享用。

from Pinterest

Text POP-OL Editorial

Photo Source:Pinterest