Love Relationship

【這就是愛情】成功將亡夫相片設成桌布後,日本老太婆含淚道謝:「以後打開電話就能看到他」

09/10/2018

老人家因為唔識用智能電話關係,好多時都只係使用功能簡單嘅舊式電話,平日都只會用嚟「打出、打入」。日本綜藝節目《月曜夜未央》(月曜から夜ふかし)就派員去搜查「老人家手機到底收藏咗咩相片」為主題,訪問一個85歲老婆婆時,就發現背後一個感人嘅愛情故事。

Screen Shot 2018-09-26 at 5.00.05 PM

from Weibo

日本知名電視台綜藝節目《月曜夜未央》不時會隨機訪問居民,今次就以「老年人手機裡都存了甚麼照片」為題,喺大阪街頭隨機訪問了一位正喺到挑選生果嘅老太婆。節目組一開始就問:「婆婆,你識唔識用手機影相?」老婆婆回答「唔識啊。」

Screen Shot 2018-09-26 at 5.00.06 PM

from Weibo

於是節目組得到老婆婆同意後,就拎起佢嘅手機,發現婆婆嘅手機桌面係佢跟好朋友嘅合照,原來婆婆根本唔識自己設定手機桌面,呢張合照都係朋友幫佢整~
Screen Shot 2018-09-26 at 5.00.14 PM

from Weibo

節目組繼續睇婆婆手機相簿內收藏咩相片,無意中禁咗一張男人嘅相出嚟,婆婆一見到張相反應變大,即該捉住部手機問:「呢個係孩子嘅爸爸,你點整張相出嚟架?」因為婆婆唔識開手榣相簿,更唔知點將相片設定為手機桌布,所以當節目組人員一邊講解,婆婆都聽得好專心 ,好怕會錯過任何一個步驟就搵唔番張相咁樣……
Screen Shot 2018-09-26 at 5.00.25 PM

from Weibo

婆婆主動話:「呢個係我先生,孩子嘅爸爸喺8月過咗身,今日就係買先生最鍾意食嘅柿子。每到夜晚,大家都回到自己屋企,周圍都會變得冷清,眼淚就啪塔啪塔掉下來……」雖然老婆婆臉上仍然掛住笑容,但周圍嘅人都心頭更酸,因為睇得出老婆婆係強顏歡笑地支撐著……
Screen Shot 2018-09-26 at 5.00.45 PM

from Weibo

節目組問:「夜晚只有你自己一個,你會覺得好寂寞?」老婆婆話:「嗯,好冷清好寂寞,本來我就好怕自己一個人。」節目組成功將婆婆嘅先生設定為手機桌面,婆婆顯得非常感動,眼濕濕咁講:「太好喇~心裡很踏實,有呢張相嘅話,我應該唔會倒下了~好開心啊……太好喇,今日可以遇見你。」

from Weibo

對於年輕人嚟講,設定手機桌面根本係一件小事,更何況,有幾多人真係會set自己另一半獨照做手機桌面(笑)相信連節目組都無諗過,一個舉手之勞竟然可以治癒老婆婆嘅心靈。即使摯愛已經去世,但一個小改變就可以令老婆婆變得有寄託,生活有所依靠。網民睇完片段,紛紛留言「睇完訪問好心酸」、「我從不羨慕街邊擁抱接吻的年輕人,我只羨慕街邊牽手漫步的老人,因為我知道,談一場白頭偕老的愛情有多不容易,要麼不開始,一開始就是一生!」、「老婆婆嬉皮笑臉地面對人生困難,淚目!」

Text: POP-OL Editorial

Photo source: Weibo