美國環保首飾品牌Alex and Ani之前就以再生金屬純手工製作迪士尼公主系列手鐲，即刻令到唔少女仔少女心爆發，大家都忍唔住想要入手一款！而今次官方又再推出新款，呢次精緻度同質感都再度提升，小編望到都真係想即刻買番隻戴下呀！
其實Alex and Ani嘅手鐲喺外國同埋日本都非常流行，特別係哈利波特同迪士尼嘅聯承系列，設計大多以一個大圓形墜飾，再加上幾個小墜飾配搭，簡約又好襯，而今次新款更加入一個精緻吊墜，唔理係單帶一隻定係 一次過帶幾隻都係好靚～
1.小飛象
粉紫色充滿少女味，配搭上小飛象嘅吊墜非常可愛～仲有小飛象嘅經典名句：「Don’t Just Fly, SOAR」，時時刻刻提醒你要努力，飛得更高更遠，到你夢想嘅地方！
Disney
2.旋轉木馬
玫瑰金嘅旋轉木馬款手鐲，相信女生們都難以抗拒，又溫柔又高貴，充滿女人味，而且旋轉木馬款式好夢幻，玫瑰金配上粉藍色出乎預料地合襯～！
Disney
3.小飛俠
小飛俠Peter Pan係個永遠長唔大嘅男孩，帶住善良同埋童心生活以及看世界！手鐲嘅吊墜係一隻小飛船，唔想過份少女味嘅女仔就可以揀呢一款啦～
Disney
4.妙妙貓
妙妙貓係愛麗絲入面其中一個好受歡迎嘅角色，佢古靈精怪又討人喜歡，妙妙貓控一定要入手呢款啦～紫紅色大圓形墜飾上面有佢嘅招牌笑臉，而小墜飾就係瘋帽先生嘅茶杯！
Disney
5.Toy story
呢款一定係屬於朋友嘅手鐲啦！刻有「You’ve got a friend in me」，印證你同你閨蜜嘅友誼，無論發生咩事，都會喺你身邊，陪伴你、支持你～
Disney
6.沖天救兵
沖天救兵故事入面紀錄住一段平凡又美好嘅愛情故事，每個女仔都希望可以搵到一個咁愛自己嘅另一半，手鐲上五顏六色嘅氣球，充滿治癒感，帶比人幸福嘅感覺。
7.黑魔后
有一種女仔特別忠情於迪士尼嘅奸角，今次推出嘅黑魔后款非常精美，立體嘅大墜飾比起普通大圓形墜飾更有質感，令成個格調都提升唔少，而且款式相當吸睛，唔鐘意風格太甜美嘅女生，就可以考慮呢款啦～
Disney
8.烏蘇拉
呢款烏蘇拉同黑魔后款差唔多，一款紫色一款藍色，不過亮眼度絕對唔會輸比夢幻嘅迪土尼款同埋公主款式，迪士尼奸角嘅周邊產品向來都唔多，大家即使買嚟收藏下都值呀！
Disney
如果有興趣購買嘅姊妹，可以去迪士尼官網查看呀！
Text : POP-OL Editorial
Photo source : disney, pinterest
