Celebrity Fitness

由包包臉蛻變成時尚女神!岑麗香的減肥秘訣公開,方法簡單你也可以做到~!

09/10/2018

早幾日小編見到岑麗香離巢後真係越來越靚,想當年香香仲係個皮膚黑黑的微胖女孩,俾人批評過肥後努力減肥,變身模特兒身型後嘅香香著衫都時尚過人,成為人妻後更加有魅力,今日一齊嚟睇吓佢有咩減肥秘訣啦~!

#1 晚餐盡量要提早吃

香香會盡量於夜晚6點前吃完晚餐,之後會郁動身體嚟消耗卡路里如執屋、散步等等,而且佢會戒宵夜,就算真係肚餓都只會食杯乳酪或者飲杯奶,絕對唔會食肥膩食物!

#2 愛吃超級食物亞麻籽、牛油果

香香好鍾意食牛油果同亞麻籽,呢兩種食物對減肥都好有效,同時又可以補充營養!香香多數會將牛油果配其他蔬果如蕃茄用嚟搽麵包食,或者用嚟做沙律;

而亞麻籽香香就會用嚟做smoothie飲,亞麻籽有豐富纖維同營養,有助通排減肚腩!佢會配搭士多啤梨、青瓜、火龍果,或者生菜、芹菜、蘋果、楊桃、番藷苗。

呢款smoothie就加咗士多啤梨、蘋果、火龍果、梅子、純乳酷,配搭亞麻籽一齊食~

#3 DIY木瓜減肥餐單

香香有一個DIY木瓜減肥餐單:每日朝早將木瓜、士多啤梨和少量蜂蜜打成果汁做早餐,除了有助燒脂、美白同豐胸效果;午餐主要食蔬菜,有時加少少雞胸肉;晚餐會以水果及沙律為主,有時會加點白肉(魚肉、雞肉等;夜晚太肚餓就會食一個木瓜做宵夜。

#4 去腫湯水自己煲

香香嘅臉比較容易水腫,所以佢會自己煲去水腫湯飲,幫助身體排出多餘水份,個人望落自然冇咁腫~佢會以五款米包括普通白米、綠豆、紅豆、百合和薏米,將米浸軟之後一齊煲就可以啦!

#5 運動不能少

香香得閒就會跑步同做gym,主要目的係令肌肉更結實,線條自然更靚!佢有時會轉呼拉圈,輪流轉動左右兩邊方向,有助修緊兩邊腰的肉,令腰線更突出。

Text:POP-OL Editorial

Photo source:[email protected]heungheungeliza