Love Self

不適合的人,忍痛分開更加好! 5點告訴你們是否不適合,不要等到青春耗盡才後悔~!

09/10/2018

有人話愛可以戰勝一切,但其實愛並唔係無所不能。每個人都有自己獨特嘅思想同埋習慣,兩個人喺埋一齊,除咗要相愛,仲要可以相處得到。一般情侶都需要經過一段時間磨合,搵出適合彼此嘅相處模式,不過假如兩個人無論點磨合都始終搵唔到一個可以令彼此都舒適嘅相處模式,咁就呢兩個人可能根本就唔合適~

Pinterest

Pinterest

1.兩個人總是溝通不來

面對任何關係,溝通永遠係最重要,兩個人如果唔可以好好溝通,呢段關係一定會出現問題。一開始戀愛,你地都唔係好了解大家,為咗迎合對方,都會刻意揀一啲對方會感興趣嘅話題,所以大家唔會發現到關係中有咩問題~

Pinterest

Pinterest

就算有時心裡不滿,但因為正處於追求階段而唔敢直接表達,不過隨住更深入嘅交往,兩人慢慢更會表達真實想法,矛盾亦隨之暴露出嚟。適合喺埋一齊嘅兩人雖然喺溝通中會有啲摩擦,不過最終都係可以解決矛盾,相反,唔適合喺埋一齊嘅人,就係溝通唔到。

Pinterest

Pinterest

2.兩個人觀點不一致

一個人嘅思想觀念係長久形成,唔容易改變,當你追求對方嘅時候,眼裡只睇得到對方嘅優點,你想快啲認定對方係適合嘅對象,於是會忽略佢其他缺點,但戀愛之後,你慢慢發現彼此之間嘅觀點好唔一樣。

Pinterest

Pinterest

如果兩個人雖然唔認同對方嘅觀點,不過可以唔干涉對方,做到求同存異,咁都仲係適合喺埋一齊;但如果兩個人嘅觀點完全相反,水火不容,連勉強接受都唔肯,咁就唔適合喺埋一齊啦~

Pinterest

Pinterest

3.覺得痛苦多過快樂

人生存嘅目標當然係想快樂,而談戀愛係獲取幸福嘅一種方式,同彼此相愛並且合適嘅人喺埋一齊,先可以滿足到彼此嘅情感需求,令生活更快樂。如果兩個人雖然相愛,但喺埋一齊總係痛苦多過快樂,咁表示你地根本唔合適。

Pinterest

Pinterest

4.相處覺得心裡很累

疲累分為兩種,一種係身體上嘅累,一種係精神上嘅累,但大多數時候精神上嘅累比身體上嘅累更嚴重,一段感情最好嘅狀態係願意結伴而行嘅兩個人,兩個人就會擁有更強嘅信心同埋更堅定嘅決心,一齊去面對生活當中嘅一切,唔理生活有幾苦,只要有對方喺身邊就唔會覺得累。如果喺戀愛當中,同對方相處嘅過程令你感到心很累,你地或者就唔合適喺埋一齊~

Pinterest

Pinterest

5.在分手和不分手之間徘徊

一個真正愛你嘅人,係唔會輕易產生離開你嘅念頭,同樣地,如果你真係愛對方,都會希望可以同對方白頭到老。兩個人適唔適合喺埋一齊,有時要睇彼此對呢份感情嘅堅定程度,越係相愛、越係合適嘅兩個人,對感情就越堅定。如果你會因為生活中某啲事,或者對方某啲行為,而經常產生分手嘅念頭,喺分手同唔分手之間徘徊,咁你地係唔適合喺埋一齊~

Pinterest

Pinterest

Text:POP-OL Editorial

Photo Source: