Celebrity Love Relationship

【嫁到這世界邊端2】首播故事超感人!情癡oppa誓娶重病港女,寫出至死不渝的動人愛情故事~

10/10/2018

上年9月熱播嘅《嫁到這世界邊端》,主持陳貝兒走訪各國,探討世界各地的婚姻生活,並分享她們如何為了愛去犧牲。今年10月,陳貝兒新一輯《嫁到這世界邊端2》又同大家見面喇~今輯主題係「向真愛至敬」,日前首播嘅第一集,主人翁嫁到去韓國,曾經因重病瘦至得番83磅嘅阿秋,佢跟oppa嘅故事簡直係一個大洋蔥,一幕幕感動人心嘅真情剖白,睇到唔少觀眾「眼濕濕」,你又有被感動嗎?

未命名-1

from TVB

嚟自香港嘅後生女「秋仔」戀上韓國利川市 OPPA 暢勇。係韓國大男人主義大行其道下,OPPA 暢勇對秋仔嘅溫柔同百般遷就睇到小編目定口呆,除咗打破普遍人認為韓國男係大男人之外,暢勇一舉一動,對老婆秋仔嘅愛令人心都溶化了~

5436
未認識暢勇前,當年20歲嘅秋仔係一名電視台導演。電視台工作一向係賣命咁勞碌,一星期可以工作七日無假放,但熱愛拍攝嘅秋仔就對工作相當投入,從無諗過呢個係惡夢嘅開端……
969
雖然係後生女,但如此勞碌,成日有番工無收工,又食無定時,令年紀輕輕嘅阿秋捱壞身體。7年前,阿秋發現自己患上急性腎衰竭,阿秋表示,自己試過一年出入ICU 3次。

from TVB

由一個為事業拼博嘅女生,成為命危一線,只可以瞓喺病床上百無聊賴過日子,偏偏就喺呢段治病期間,喺網上交友平台認識咗暢勇。二人見面後,暢勇對秋仔生愛意,但對感情認真嘅秋仔無因為悶而去搵「水泡」,反而係冒住男方會揮手轉頭離去嘅風險,將自己身患重病嘅事實和盤托出,希望男方考慮清楚先好開始呢段關係—果然,OPPA 聽過消息後,就無回覆秋仔了。
3637

from TVB

天若有情嘅故事喺暢勇轉身後先正式開始!原來OPPA突然消失,係因為佢周圍打探幫秋仔醫病嘅方法,一個跟自己交情唔深,只係對自己有好感嘅男仔,呢個時候伸出溫暖嘅一雙手,讓身處香港嘅阿秋大為感動。

「手術康復後,我們結婚吧!」

878

from TVB

呢段情不但無令暢勇放棄,佢反而想接秋仔到韓國醫病,暢勇仲大膽向秋仔提出「手術康復後,我們結婚吧!」上天總係不斷畀秋仔一個又一個難關,手術後,阿秋身體出現嚴重排斥,需要換血保命,暢勇呢段期間不離不棄。一個月之後,有暢勇支持嘅秋仔,排斥情況終於穩定下來。

9679

from TVB

康復後,暢勇向爸爸媽媽提出想跟阿秋結婚。但又有邊個父母,願意放心將孩子交畀一個身患重病,甚至隨時可能會離開人世嘅終身伴侶?暢勇爸爸媽媽一開始非常反對呢門婚事。

522

from TVB

「只有她,我只想跟她結婚。」面對父母反對,暢勇仍然無懼阻擋,最終以深情同真心融化雙親嘅心,順利跟摯愛秋仔幸福地步入教堂。宜家秋仔跟暢勇定居韓國郊區,暢勇出外工作,阿秋則做全職家庭主婦。雖然生活過得平淡,不過因為有著愛,內心卻前所未有地充實。

415

from TVB

母女情深嘅秋仔跟媽媽宜家唯有透過視象會議解決相思之苦。秋仔憶述起當日昏迷,徘徊死亡邊緣,都係媽媽係身邊捉住佢對手叫佢番嚟。貝兒聽到呢到都忍唔住變得眼紅紅了。

from tvb

當宜家有好多夫妻都強調二人世界,不折不扣係個「拒絕外父、外母」女婿,愛屋及烏嘅暢勇就打算接秋仔媽媽到韓國一齊生活。性格單純嘅暢勇仲提出「沒問題的,我們家還有多一個房間,這樣老婆開心的話,我就好。」貝兒聽完暢呢番說話,都拍拍暢勇膊頭,似係大讚暢勇有責任心。

from tvb

「因為你是我的藥。」

6589

from TVB

676

from TVB

「約定了100歲還是要一起住的,算一算還有65年呢。」暢勇笑著說。能夠讓阿秋從重病中撐過去的,唔單止係醫生處方嘅藥,更重要嘅係,暢勇這顆良藥。

235235

from TVB

問到暢勇最想為阿秋做咩,暢勇回答希望可以買一間大啲嘅屋,給予太太更好嘅生活條件;而阿秋最希望嘅,就係為暢勇生寶寶。只可惜因為之前重病,要成功有bb唔容易,已經試過兩次流產嘅阿秋,都要接受自己未必可以有小朋友呢個事實。眼見太太傷感起來,暢勇從旁立即安慰,給予阿秋最珍貴嘅支持與陪伴。

from TVB

無論將來仲有幾多困難,可以肯定嘅喺,佢哋兩個唔再孤單,因為已經對訪無條件嘅陪伴。主持貝兒對兩人嘅故事亦相當感動,不禁問了一句「到底有多深的愛,才可以讓一個男生去娶一個可能快死的人」,係阿秋跟暢勇再次讓人相信呢個世上真愛確實存在。

Text:POP-OL Editorial

Photo source:Pinterest