Beauty Celebrity Goddess

《再創世紀》近鏡皮膚依然超水嫩!39歲周勵淇身材肌膚仿如少女,公開5大凍齡保養秘訣~

10/10/2018

咁多年無喺無綫劇集入面出現嘅Niki周勵淇,喺熱播劇集《再創世紀》入面,就算鏡頭近鏡拍佢嘅時候,佢嘅皮膚睇落都係超水嫩,仍然好似昔日少女一般嘅形象,完全睇唔出佢已經39歲,皮膚好到好似後生女咁,今次就同大家公開周勵淇五大凍齡零毛孔肌保養秘訣啦!

1. 早上要有米落肚

女仔好易會出現血氣不足嘅問題,而Niki長期保持住臉色紅潤嘅秘訣就係每日朝早一定會食粥或者飯,因為粥同飯可以幫助提高體溫、補血氣,所以女仔平日都可以試下朝早食碗白粥或者飯,面色好,妝自然可以淡啲,皮膚都會好啲啦!

2. 7 點後戒澱粉質

Niki午餐會照食,不過到咗 7 點之後佢就絕對唔會掂澱粉質食物,咁樣就可以減少所攝取嘅熱量,二來又可以比到身體足夠時間去消化食物,以免瞓教嘅時候積聚脂肪。

3. 戒凍飲

成日飲凍飲唔單止會傷害子宮,仲會凝固食物嘅油份同埋脂肪,導致食物難以被身體消化,容易變肥同埋變老,所以 Niki 好多年前已經戒飲凍飲。

4. 多飲湯水

Niki 私底下都好鐘意自己煲湯,內地拍戲嘅時候仲會每日煲湯帶去街飲,而且仲會煲去濕茶,例如:扁豆衣、土茯苓等,幫助身體去水腫、排清體內毒素。

5. 一星期做 2-3 次運動

除咗要注意飲食之外,運動對於抗衰老、凍齡都好有作用,Niki一星期會做 2-3次運動。唔洗工作嘅時候,會去行山、做Gym,而且每日都會好勤力拉筋,保持身體嘅線條。

Text:POP-OL Editorial

Photo Source: